შავი ზღვის სანაპიროზე წყლის ხარისხი შეამოწმეს - მონაცემები განახლდა

© photo: Sputnik / Stringerბათუმი
ბათუმი - Sputnik საქართველო, 1920, 22.08.2023
გამოწერა
НовостиTelegram
საქართველოს შავი ზღვის სანაპიროზე წყლის ხარისხის მაჩვენებლები ნორმის ფარგლებშია.
თბილისი, 22 აგვისტო — Sputnik. ბოლო ლაბორატორიულმა კვლევებმა 5 და 9 აგვისტოს აჩვენა, რომ საქართველოს შავი ზღვის აკვატორიაში წყლის ხარისხი ნორმის ფარგლებშია, ნათქვამია გარემოს ეროვნული სააგენტოს განცხადებაში.
შავ ზღვაში წყლის უსაფრთხოების საკითხი აქტუალური განსაკუთრებით უკრაინაში კახოვკის ჰესის აფეთქების შემდეგ გახდა – გარდა ზღვაში უხეში მექანიკური მასალის შემოტანისა, გაჩნდა წყლის ბაქტერიოლოგიური დაბინძურების საფრთხე.
აჭარაში ზღვის წყლის ხარისხის მაჩვენებლების მონიტორინგი სისტემატურად ხორციელდება.

„კვლევებისას განისაზღვრა ქიმიური პარამეტრები, მათ შორის 13 მძიმე მეტალი, ნავთობის ჯამური ნახშირწყალბადები, 16 პოლიარომატული ნახშირწყალბადისა და სხვა ფიზიკურ-ქიმიური პარამეტრის კონცენტრაცია", – ნათქვამია განცხადებაში.

გარემოს ეროვნული სააგენტო შავი ზღვის წყლის ხარისხის მონიტორინგს 10 დღეში ერთხელ 9 სადგურზე ახორციელებდა, ხოლო 10 ივლისიდან სადგურების რაოდენობა გაიზარდა და ანაკლია–განმუხურის ტერიტორიაზე კიდევ 3 წერტილი დაემატა. აღებულ სინჯებში ისაზღვრება 59 პარამეტრის მნიშვნელობები.
აჭარაში ზღვის სეზონის ჩაგდების მცდელობა არ გამოუვიდათ - თორნიკე რიჟვაძე>>
სინჯები საანალიზოდ გარემოს ეროვნული სააგენტოს ატმოსფერული ჰაერის, წყლისა და ნიადაგის ანალიზის აკრედიტებულ ლაბორატორიაში იგზავნება, რომელიც აღჭურვილია მაღალი სიზუსტის მქონე ანალიტიკური ხელსაწყოებით და სრულად აკმაყოფილებს თანამედროვე მოთხოვნებსა და სტანდარტებს, აღნიშნულია უწყების განცხადებაში.
ყველა ახალი ამბავი
0