მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

მასშტაბური ხანძრები ჰავაიზე: დაღუპულთა რიცხვი გაიზარდა

© AFP 2024 / Patrick T. Fallonადამიანები აკვირდებიან ხანძრის შედეგებს ჰავაიზე
ადამიანები აკვირდებიან ხანძრის შედეგებს ჰავაიზე - Sputnik საქართველო, 1920, 16.08.2023
გამოწერა
მაუის და დიდ კუნძულებზე ძლიერი ხანძარი მშრალი და ცხელი ამინდის გამო დაიწყო და ქარიშხალ დორას მიერ მოტანილი ძლიერი ქარის გამო გაძლიერდა.
თბილისი, 16 აგვისტო – Sputnik. ჰავაიზე ხანძრის შედეგად დაღუპულთა რიცხვი 106-მდე გაიზარდა, ასობით ადამიანი უგზო-უკვლოდ დაკარგულად მიიჩნევა, იუწყება მაუის ოლქის ხელისუფლება.
მაუის და დიდ კუნძულებზე ძლიერი ხანძარი მშრალი და ცხელი ამინდის გამო დაიწყო და ქარიშხალ დორას მიერ მოტანილი ძლიერი ქარის გამო უფრო გაძლიერდა. ხანძრის ზოგიერთი კერა 400 ჰექტარ ფართობს აღწევს. მანამდე ჯოშის შტატის გუბერნატორი 101 დაღუპულის შესახებ იუწყებოდა.
ხანძარმა უკვე გაანადგურა რამდენიმე დასახლებული პუნქტი, მათ შორის პოპულარული ტურისტული ქალაქი ლაჰაინა. საუბარია ათასობით სახლზე. ხელისუფლებას გზების გადაკეტვა უწევს, საზოგადოებრივი ტრანსპორტი არ ფუნქციონირებს. ასობით ადგილობრივი მცხოვრები ევაკუირებულია.
აშშ-ში 100 წლის განმავლობაში ყველაზე მომაკვდინებელი ტყის ხანძრების შედეგები ჰავაიზე - ფოტო >>
აშშ-ის პრეზიდენტმა ჯო ბაიდენმა უბრძანა ჰავაის ფედერალური დაქვემდებარების ყველა სტრუქტურას, მათ შორის სამხედროებს, ჩაერთონ ხანძრის წინააღმდეგ ბრძოლაში.
მანამდე პენტაგონში განაცხადეს, რომ ადგილობრივი ხელისუფლების დასახმარებლად ეროვნული გვარდიის ჯარისკაცები და ვერტმფრენები გაგზავნეს.
ჰავაის კუნძულ მაუიზე ხანძარი 8 აგვისტოს გაჩნდა.
ყველა ახალი ამბავი
0