ვინ და რატომ უნდა მიირთვას ყოველდღე ერთი თავი ხახვი: ექიმი გირჩევთ

© unsplash/vivek sharmaხახვი
ხახვი - Sputnik საქართველო, 1920, 10.08.2023
გამოწერა
НовостиTelegram
თბილისი, 10 აგვისტო — Sputnik. ხახვი ერთ-ერთი ყველაზე ეფექტური საშუალებაა იმუნური სისტემის გასაძლიერებლად და მრავალი დაავადების პროფილაქტიკისთვის, აცხადებენ დიეტოლოგები.
მათი თქმით, ხახვი ასევე გამოიყენება ყელის ტკივილის შესამსუბუქებლად და გაციების დროს, ქოლესტერინის დონის შესამცირებლად და ათეროსკლეროზის თავიდან ასაცილებლად.
დიეტოლოგების განმარტებით, დღეში ერთი თავი ხახვის მიღება (ასეთია დღიური ნორმა) აწესრიგებს ნაწლავების მუშაობას, ხელს უწყობს საჭმლის მომნელებელი წვენებისა და ნაღველის გამომუშავებას და აქვს ანთების საწინააღმდეგო და ანტიოქსიდანტური მოქმედება.
ირკვევა, რომ ხახვის დადებით ეფექტს შემდეგი ნივთიერებები განაპირობებს:
კვერციტინი — აქვს ანტიოქსიდანტური თვისებები და ანთების საწინააღმდეგო მოქმედება;
ანტოციანინები;
ორგანული გოგირდოვანი ნაერთები, მაგალითად, ალიცინი, რომელსაც აქვს ანტიბაქტერიული და სოკოს საწინააღმდეგო მოქმედება;
ფრუქტანები — სასარგებლოა ნაწლავების მიკროფლორის, განსაკუთრებით ბიფიდო- და ლაქტობაქტერიებისთვის;
საპონინები — ეს არის გლიკოზიდები, რომლებსაც შეკრულობის საწინააღმდეგო თვისებები აქვს და ამცირებს ქოლესტერინს.
თუმცა სპეციალისტები იქვე ხაზს უსვამენ, რომ ხახვთან დაკავშირებით არსებობს შეზღუდვებიც: ნედლი ხახვი არ არის რეკომენდებული კუჭ-ნაწლავის ტრაქტის დაავადებების მქონე ადამიანებისთვის (გასტრიტი, კუჭის წყლული), რადგან მან შეიძლება ლორწოვანი გარსის გაღიზიანება გამოიწვიოს.
ყველა ახალი ამბავი
0