Kazbegi Marathon სექტემბერში გაიმართება

© photo: Sputnik / Mindia Davitadze Photographyტურისტები გერგეტთან
ტურისტები გერგეტთან - Sputnik საქართველო, 1920, 10.08.2023
გამოწერა
НовостиTelegram
მარათონში მონაწილეებს ოთხ დისტანციას შესთავაზებენ, ყველა მათგანი დარეგისტრირებულია ტრეილრანინგის საერთაშორისო ასოციაციის მიერ.
თბილისი, 10 აგვისტო — Sputnik. გარბენი Kazbegi Marathon ყაზბეგში 3 სექტემბერს გაიმართება, სპორტულ შეჯიბრებაში მონაწილეობისთვის რეგისტრაცია გახსნილია ყველა მსურველისთვის, ნათქვამია ორგანიზატორების განცხადებაში.
ყაზბეგის მარათონი 2010 წელს დაარსდა და მას შემდეგ სირბილისა და აქტიური ცხოვრების წესის მოყვარულებს ყოველწლიურად კრებს.
ტრადიციულად, ორგანიზატორები გარბენზე იწვევენ ყველა მსურველს, სადაც მათ დახვდებათ მოწყობილი ბილიკები. გარბენი დაიწყება სოფელ გერგეტიდან.

„წელს თქვენ გელოდებათ ბილიკები, რომლებიც გარბენს დაუვიწყარ სამთო თავგადასავლად აქცევს. ციცაბო აღმართები, მაღალი მთები, შთამბეჭდავი ბუნება, მთის მდინარის კვეთა, ტექნიკური სექციები და მყინვარწვერის გასაოცარი ხედები ბილიკის მნიშვნელოვანი ნაწილიდან", – ნათქვამია განცხადებაში.

მარათონზე შემოთავაზებულია ოთხი დისტანცია.
გარბენის დისტანციები:
1.
სახალისო გარბენი – 4 კმ, 300 ვერტიკალური მეტრი
2.
კლასიკური ტრეილი – 10 კმ, 900 ვერტიკალური მეტრი
3.
SkyRace – 15 კმ, 1.300 ვერტიკალური მეტრი
4.
Exteme – 30 კმ, 2.100 ვერტიკალური მეტრი.
განცხადებაში ასევე აღნიშნულია, რომ ყაზბეგის მარათონის ოთხივე დისტანცია დარეგისტრირებულია ტრეილრანინგის საერთაშორისო ასოციაციისა (ITRA) და UTMB WORLD SERIES-ის მიერ. ორ ტრასას საერთაშორისო საკვალიფიკაციო სტატუსი აქვს.
ყველა ახალი ამბავი
0