FBI-ს აგენტებმა მოკლეს მამაკაცი, რომელიც ბაიდენს ემუქრებოდა - ვიდეო
13:00 10.08.2023 (განახლებულია: 18:18 10.08.2023)
© AP Photo / Susan Walsh
გამოწერა
თბილისი, 10 აგვისტო — Sputnik. გამოძიების ფედერალური ბიუროს (FBI) თანამშრომლებმა მოკლეს მამაკაცი, რომელიც აშშ-ის პრეზიდენტ ჯო ბაიდენს მოკვლით ემუქრებოდა, იუწყება ტელეკომპანია NBC.
EXECUTION💥
— {Matt} $XRPatriot (@matttttt187) August 10, 2023
‼️ 🚨#UPDATE: Brand new Video has been released and was captured by neighbor shows FBI encounter with Robertson. The FBI says its agents were attempting to serve arrest and search warrants in Provo when they shot and killed a suspect, now identified as Craig Deleeuw… pic.twitter.com/auAVxASoVR
გავრცელებული ინფორმაციით, კრეიგ რობერტსონი პრეზიდენტის მოკვლას გეგმავდა 9-10 აგვისტოს მისი იუტას შტატში ვიზიტის დროს. ამის შესახებ ის ღიად წერდა სოციალურ ქსელში და აცხადებდა, რომ ამისთვის უკვე ამზადებდა შაშხანას. ამასთან იმედს გამოთქვამდა, რომ ამით იუტა სახელს გაითქვამდა, როგორც „ადგილი, სადაც სნაიპერმა ბაიდენი მოკლა“.
ამ მუქარებიდან გამომდინარე, აშშ-ის გამოძიების ფედერალური ბიუროს სპეცაგენტები რობერტსონის სახლში მივიდნენ მის დასაპატიმრებლად, მაგრამ დაკავების მცდელობისას ის მოკლეს.
BREAKING: The FBI has reportedly shot and killed Craig Deleeuw Robertson of Utah, as they tried to execute an arrest warrant on him at his residence in Provo, Utah early this morning.
— Ed Krassenstein (@EdKrassen) August 9, 2023
The FBI was investigating Robertson for allegedly making threats directed at Joe Biden and… pic.twitter.com/4LwfzJrFFX
ინფორმირებულმა პირმა ჟურნალისტებს უთხრა, რომ FBI SWAT-ის თანამშრომლებმა რობერტსონს ორდერები წარუდგინეს და დამორჩილება უბრძანეს, მაგრამ ამ უკანასკნელმა აგენტებს იარაღი დაუმიზნა.
გამოძიების თანახმად, მას ხელში სნაიპერული შაშხანა ეჭირა, ხოლო სახლის ჩხრეკისას მოზრდილი არსენალი და დამცავი უნიფორმაც აღმოაჩინეს.
გარდა ამისა, ცნობილი ხდება, რომ კრეიგ რობერტსონი ბოლო თვეების განმავლობაში სხვა დემოკრატ პოლიტიკოსებსა და პროკურორებსაც ემუქრებოდა, რომლებიც ყოფილი პრეზიდენტის დონალდ ტრამპის წინააღმდეგ გამოძიებას აწარმოებენ.
ერთ-ერთი ასეთი პუბლიკაციის შემდეგ FBI-ს აგენტები ჯერ კიდევ მარტში მივიდნენ რობერტსონის სახლში, მაგრამ მან ორდერის გარეშე მათთან საუბარზე უარი თქვა. მერე კი სოციალურ ქსელში გამოაქვეყნა პოსტი, სადაც აღნიშნავდა, რომ აგენტები ვერც კი მიხვდნენ, რამდენად ახლოს იყვნენ „ბაბახთან“, რაც აშკარად მიუთითებდა, რომ ის მზად იყო იარაღის გამოსაყენებლად.
