საქართველოს ეროვნული ბანკის საერთაშორისო რეზერვები კვლავ რეკორდებს ხსნის

© photo: Sputnik / Mikhail Kutuzov / გადასვლა მედიაბანკშიასდოლარიანები
ასდოლარიანები - Sputnik საქართველო, 1920, 08.08.2023
გამოწერა
НовостиTelegram
2022 წლის დასაწყისიდან რეზერვები 628,1 მლნ დოლარით გაიზარდა. 2021 წელს რეზერვების ზრდამ 361,3 მლნ დოლარი შეადგინა.
თბილისი, 8 აგვისტო – Sputnik. საქართველოს ეროვნული ბანკის საერთაშორისო რეზერვებმა 2023 წლის 31 ივლისისთვის ისტორიულ მაქსიმუმს მიაღწია და 5.436,1 დოლარი შეადგინა, ნათქვამია საქართველოს ეროვნული ბანკის ვებ-გვერდზე.
ივლისში რეზერვები 369,4 მილიონი დოლარით გაიზარდა, ხოლო წლის დასაწყისიდან – 534,6 მლნ დოლარით. ანალიტიკოსების აზრით, რეზერვების მოცულობის ცვლილება მთავრობისა და საბანკო სექტორის სავალუტო ოპერაციებს, ასევე ეროვნული ბანკის მიერ ვალუტის შეძენას უკავშირდება.
მანამდე საერთაშორისო რეზერვებმა ისტორიულ მაქსიმუმს 2022 წლის 30 აპრილს მიაღწია და 5.133,4 მლნ დოლარი შეადგინა.
2022 წლის დასაწყისიდან რეზერვები 628,1 მლნ დოლარით გაიზარდა. 2021 წელს რეზერვების ზრდამ 361,3 მლნ დოლარი შეადგინა.
საერთაშორისო რეზერვების სტრუქტურა
უცხოურ ვალუტაში კონვერტირებული საერთაშორისო რეზერვები ეროვნული ბანკის ძირითად რეზერვს წარმოადგენს და ეს ნაწილი 5,0 მლრდ აშშ დოლარს შეადგენს, აღნიშნულია რეგულატორის ვებ-გვერდზე.
მის სტრუქტურაში შედის სახსრები, რომლებიც განთავსებულია ფასიან ქაღალდებში – 3,8 მლრდ დოლარი, და ვალუტა, რომელიც ინახება უცხოური ბანკებისა და საერთაშორისო სავალუტო ფონდის (სსფ) ანგარიშებზე – 1,2 მლრდ დოლარი.
გარდა ამისა, ეროვნული ბანკის რეზერვებში შედის სახსრები, რომლებიც განთავსებულია SDR-ში (ნასესხობის სპეციალური უფლება) – 469,4 მლნ დოლარი, ხოლო სსფ-ში სარეზერვო პოზიცია 29,3 ათას დოლარს შეადგენს. ეროვნული ბანკი სახსრებს ოქროს სახით არ ინახავს.
სავალუტო რეზერვების სტრუქტურაში სხვა აქტივების ღირებულება 646,2 ათას დოლარს შეადგენს.
ყველა ახალი ამბავი
0