ჯუთის გზის რემონტი შემდეგ კვირაში დაიწყება

© Roads Department of Georgia აჩხოტი-სნო-ახალციხე-ჯუთას საავტომობილო გზა
 აჩხოტი-სნო-ახალციხე-ჯუთას საავტომობილო გზა - Sputnik საქართველო, 1920, 08.08.2023
გამოწერა
НовостиTelegram
რთული რელიეფის და სამუშაოს სპეციფიკის გამო სამუშაოების შესრულების დროს გზაზე მოძრაობა აიკრძალება.
თბილისი, 8 აგვისტო – Sputnik. ყაზბეგის რაიონში აჩხოტი–სნო–ახალციხე–ჯუთის საავტომობილო გზის რეაბილიტაციის პროექტი დასრულებულია და სამშენებლო სამუშაოები შემდეგ კვირაში დაიწყება, ნათქვამია საქართველოს საავტომობილო გზების დეპარტამენტის განცხადებაში.
უფრო ადრე დეპარტამენტში განაცხადეს, რომ დაზიანებული მონაკვეთის აღდგენა ივლისში უნდა დაწყებულიყო. თუმცა 21 ივლისს გამოვლინდა გზის კიდევ სამი დაზიანებული და ერთი მეწყრული მონაკვეთი, ამიტომ მოსამზადებელი ეტაპის საჭიროებამ სამუშაოების დაწყების ვადა გადასწია.

„კონტრაქტორი ორგანიზაცია აწარმოებდა მოსამზადებელ და სამობილიზაციო სამუშაოებს. მომდევნო კვირიდან კი დაიწყება სამშენებლო სამუშაოები. რთული რელიეფიდან და სამუშაოების სპეციფიკიდან გამომდინარე, სამუშაოების მიმდინარეობისას საავტომობილო გზაზე გადაადგილება აიკრძალება“, – ნათქვამია განცხადებაში.

გზის აღდგენაზე წინასწარი კვლევები და საპროექტო სამუშაოები 2022 წლის ბოლოს დაიწყო.
აჩხოტი–სნო–ახალციხე–ჯუთის გზა ზღვის დონიდან დაახლოებით 2 ათას მეტრ სიმაღლეზე მდებარე სოფლებს აკავშირებს. გზის ზოგიერთი მონაკვეთი უფსკრულის თავზე გადის და საქართველოში ერთ-ერთ ყველაზე საშიშ გზად მიიჩნევა.
ყველა ახალი ამბავი
0