უაზრო ღონისძიება: ულიანოვმა ჯიდის შეხვედრაზე კომენტარი გააკეთა

  - Sputnik საქართველო, 1920, 07.08.2023
გამოწერა
НовостиTelegram
თბილისი, 7 აგვისტო — Sputnik. ჯიდაში გამართულ შეხვედრას უკრაინის საკითხზე არაფერი აქვს საერთო სამშვიდობო პროცესთან, დაწერა რუსეთის წარმომადგენელმა ვენის საერთაშორისო ორგანიზაციებში მიხაილ ულიანოვმა თავის Telegram-არხზე.

„სამწუხაროდ, რეალურ პოლიტიკას საერთაშორისო ურთიერთობებში პიარი და პროპაგანდისტული აქტივობები ანაცვლებს. ამის მაგალითია ჯიდაში უკრაინის საკითხზე გამართული შეხვედრა. მას არაფერი აქვს საერთო სამშვიდობო პროცესთან, რადგან მნიშვნელოვანი აქტორი — რუსეთი მასზე მიწვეული არ ყოფილა. ეს უაზრო ღონისძიებაა“, — მიაჩნია ულიანოვს.

საუდის არაბეთის ქალაქ ჯიდაში უკრაინის თემაზე მოლაპარაკებები შაბათს დაიწყო. მასზე 30-მდე ქვეყნის (აშშ, დიდი ბრიტანეთი, პოლონეთი, სამხრეთ აფრიკის რესპუბლიკა, ევროკავშირის ქვეყნები) წარმომადგენელი იყო მიწვეული, მაგრამ მათ შორის არ იყო რუსეთი.
რუსეთის პრეზიდენტის პრეს-მდივანმა დმიტრი პესკოვმა მანამდე აღნიშნა, რომ კრემლი საუდის არაბეთში გამართულ შეხვედრას დააკვირდება, რათა მისი მიზნები გაარკვიოს. რუსეთის საგარეო საქმეთა სამინისტროში განაცხადეს, რომ უკრაინის კრიზისის შესახებ გადაწყვეტილებების პოლიტიკურ დონეზე დაფიქსირება რუსეთის მონაწილეობის გარეშე აბსურდი და ნონსენსია.
ყველა ახალი ამბავი
0