რამდენი ობიექტი აშენდა საქართველოში წლის დასაწყისიდან - ახალი სტატისტიკა

© photo: Sputnik / Stringerმშენებარე კორპუსები
მშენებარე კორპუსები - Sputnik საქართველო, 1920, 07.08.2023
გამოწერა
НовостиTelegram
აშენებული ობიექტების ნახევარზე მეტი მოდის თბილისზე, კახეთისა და მცხეთა-მთიანეთის რეგიონებზე.
თბილისი, 7 აგვისტო — Sputnik. საქართველოში 2023 წლის პირველ ნახევარში ექსპლუატაციაში შევიდა 1.337,1 ათასი კვადრატული მეტრი საერთო ფართობის 1.465 ობიექტი, იუწყება საქართველოს სტატისტიკის ეროვნული სამსახური „საქსტატი“.
2022 წლის ანალოგიურ პერიოდთან შედარებით, საანგარიშო პერიოდში ექსპლუატაციაში შესული ობიექტების რაოდენობა 7,3%-ით, ხოლო საერთო ფართობი – 25,4%-ით გაიზარდა.
2023 წლის იანვარ-ივნისში აშენებული ობიექტების ნახევარზე მეტი მოდის თბილისზე, კახეთისა და მცხეთა-მთიანეთის რეგიონებზე.
2023 წლის პირველ ნახევარში ხელისუფლების მუნიციპალურმა ორგანოებმა 4 მლნ კვადრატული მეტრი ფართობის ობიექტების აშენების 5,1 ათასი ნებართვა გასცეს.
2022 წლის ანალოგიურ პერიოდთან შედარებით, გაცემული ნებართვების რაოდენობა 0,5%-ით შემცირდა, ხოლო სავარაუდო მშენებლობების ფართობი 25,4%-ით გაიზარდა.
გაცემული ნებართვების საერთო რაოდენობიდან 73,9% მოდის ოთხ რეგიონზე: თბილისი, ქვემო ქართლი, იმერეთი და მცხეთა-მთიანეთი.
კომპეტენტურმა ორგანოებმა წლის დასაწყისიდან ნებართვები გასცეს სხვადასხვა სახის შენობების მშენებლობაზე: მრავალფუნქციური საცხოვრებელი კომპლექსები, სასტუმროები, სავაჭრო ობიექტები, ქარხნები, სასოფლო-სამეურნეო ობიექტები და სხვ. ძირითადი ნაწილი საცხოვრებელ კომპლექსებზე მოდის.
ყველა ახალი ამბავი
0