GWP: თბილისის მოსახლეობის ნაწილს წყლის მიწოდება თითქმის ორი დღით შეუწყდება

© courtesy of Georgian Water & Power (GWP)GWP სამუშაოებს ასრულებს
GWP სამუშაოებს ასრულებს - Sputnik საქართველო, 1920, 01.08.2023
გამოწერა
НовостиTelegram
წყალმომარაგების შეზღუდვისა და აღდგენის შესახებ ინფორმაციას კომპანია აბონენტებს წინასწარ SMS-შეტყობინების სახით უგზავნის.
თბილისი, 1 აგვისტო — Sputnik. თბილისის მოსახლეობის ნაწილს 2 აგვისტოს 23:30 საათიდან 4 აგვისტოს 17:30 საათამდე წყალმომარაგება შეეზღუდება, ნათქვამია კომპანია „ჯორჯიან უოთერ ენდ ფაუერის" (GWP) მიერ გავრცელებულ განცხადებაში.
კომპანიის ინფორმაციით, GWP უნივერსიტეტის ქუჩის სრული რეაბილიტაციის ფარგლებში 2 აგვისტოს წყალმომარაგების ახალ ქსელზე გადაერთების სამუშაოებს ჩაატარებს. ქუჩის სარეაბილიტაციო სამუშაოები მიმდინარე წლის ივნისში დაიწყო და აგვისტოს ბოლოს დასრულდება.
პროექტის საინვესტიციო ღირებულება 4 მლნ ლარზე მეტია. სარეაბილიტაციო სამუშაოების ფარგლებში ჯამში 5,5 კმ-ზე მეტი სიგრძის წყალმომარაგების მაგისტრალური და გამანაწილებელი ქსელი შეიცვალა, დამონტაჟდა 38 ერთეული ევროსტანდარტის ჩამკეტ-მარეგულირებელი ურდული, მოეწყო 62 საკვანძო ჭა და 8 სახანძრო ჰიდრანტი.
უწყების ცნობით, უნივერსიტეტის ქუჩაზე განახლებული ქსელის ექსპლუატაციაში შესვლის მიზნით კომპანიის ტექნიკური ჯგუფები გადაერთების სამუშაოებს ინტენსიურ რეჟიმში შეასრულებენ. დაგეგმილ სამუშაოებთან დაკავშირებით აუცილებელია მაგისტრალური ქსელის წყლისგან დაცლა, რის გამოც წყალმომარაგება თბილისის რამდენიმე რაიონს შეეზღუდება.
კონკრეტული ქუჩების ჩამონათვალი იხილეთ ბმულზე.
„ჯორჯიან უოთერ ენდ ფაუერი" ბოდიშს უხდის მომხმარებლებს დისკომფორტისთვის.
ყველა ახალი ამბავი
0