https://sputnik-georgia.com/20230731/mecnierebma-hortenziasi-alchaimeris-samkurnalo-sasualeba-armoacines-280619751.html
მეცნერებმა ფართოდ გავრცელებულ ყვავილში ალცჰაიმერის სამკურნალო საშუალება აღმოაჩინეს
მეცნერებმა ფართოდ გავრცელებულ ყვავილში ალცჰაიმერის სამკურნალო საშუალება აღმოაჩინეს
Sputnik საქართველო
თბილისი, 31ივლისი — Sputnik. ჰორტენზიის ფოთლებიდან მიღებული ნივთიერება შეიძლება ეფექტური სამკურნალო საშუალება იყოს ცილოვან ფოლაქებთან ბრძოლისთვის, რომლებიც... 31.07.2023-ს, Sputnik საქართველო
2023-07-31T13:25+0400
2023-07-31T13:25+0400
2023-08-17T10:47+0400
მსოფლიო დღეს
მსოფლიო მეცნიერული კვლევები
ჩვენ და ბუნება
ალცჰაიმერის დაავადება
ექიმის რჩევები
https://cdnn1.img.sputnik-georgia.com/img/07e5/06/1e/252172453_0:160:3072:1888_1920x0_80_0_0_7e4fc8259bae1bc969ec4eed4a691177.jpg
თბილისი, 31ივლისი — Sputnik. ჰორტენზიის ფოთლებიდან მიღებული ნივთიერება შეიძლება ეფექტური სამკურნალო საშუალება იყოს ცილოვან ფოლაქებთან ბრძოლისთვის, რომლებიც ალცჰაიმერის დაავადების განვითარების ხელშემწყობად მიიჩნევა, ნათქვამია ჟურნალ Biomedicine & Pharmacotherapy-ის მიერ გამოქვეყნებულ კვლევაში.მეცნიერთა თქმით, საუბარია ნივთიერება ფილოდულცინზე, რომელიც ჰორტენზიის მაკროფილში გვხვდება.ჰორტენზიის გამხმარი ფოთლები აზიის ქვეყნებში სამკურნალო ჩაის დასამზადებლად გამოიყენება, ხოლო ფილოდულცინი ცნობილია, როგორც ძლიერი ბუნებრივი დამატკბობელი. ის 400-800-ჯერ უფრო ტკბილია, ვიდრე საქაროზა.გარდა ამისა, ბოლო კვლევებმა აჩვენა, რომ ფილოდულცინს შეუძლია გადალახოს ჰემატოენცეფალიური ბარიერი და დათრგუნოს ტვინში ამილოიდის ბეტა ცილის აგრეგაცია.საკუთარი ჰიპოთეზა მკვლევარებმა ლაბორატორიულ თაგვებზე შეამოწმეს. მღრღნელებს გენეტიკური მოდიფიკაცია ჩაუტარეს, რათა მათ ორგანიზმში ამილოიდური ფოლაქები წარმოქმნილიყო, რომლებიც ალცჰაიმერს ავითარებს. მეცნიერები თაგვებს ერთი თვის განმავლობაში ასმევდნენ ფილოდულცინიან საკონტროლო ნივთიერებას ყოველ სამ დღეში ერთხელ. ექსპერიმენტის დასრულების შემდეგ, ვიდრე საცდელი მღრღნელების ტვინის ქსოვილის ანალიზს ჩაატარებდნენ, მკვლევარებმა მათი დასწავლის უნარი და მახსოვრობა შეამოწმეს.აღმოჩნდა, რომ ფილოდულცინი, გარდა იმისა, რომ ამილოიდების ბეტა-აგრეგაციას აჩერებდა, მანამდე არსებულ აგრეგაციებსაც ანადგურებდა. მკვლევარებმა ასევე დაადგინეს, რომ ექსტრაქტი ამცირებს ბეტა-ამილოიდთან დაკავშირებულ ნეიროტოქსიკურობას და ხელს უშლის მეხსიერების დაქვეითებას.„ჩვენი კვლევა პირველია, სადაც ნათქვამია, რომ ფილოდულცინმა შესაძლოა შეცვალოს ალცჰაიმერის დაავადების ძირითადი პათოგენეზი, რაც დემენციის პრევენციას, ან მისი პროგრესირების შეფერხებას ხდის შესაძლებელს“, — წერენ მეცნიერები.ალცჰაიმერის დაავადება — დემენციის ყველაზე გავრცელებული სახეობაა, რომელიც მთელ მსოფლიოში მილიონობით ადამიანს აწუხებს.ეს ნეიროდეგენერაციული დაავადება ხასიათდება მეხსიერების პროგრესირებადი დაქვეითებითა და გარკვეული ინტელექტუალური (კოგნიტიური) ფუნქციების მოშლით, რაც ადამიანის ყოველდღიურ საქმიანობაში დარღვევებს იწვევს.დაავადების ზუსტი მიზეზები დადგენილი არ არის. ცნობილია, რომ ალცჰაიმერი მაშინ იჩენს თავს, თუ ტვინში ერთდროულად ორი ნეიროპათოლოგიური დაზიანებაა — ბეტა-ამილოიდური ცილის უჯრედშორისი დალექვა და ტაუ-ცილის უჯრედშიდა დალექვა. ამასთან დაავადების გამომწვევი რისკების დაახლოებით 70% გენეტიკურ ფაქტორებს უკავშირდება.
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მსოფლიო მეცნიერული კვლევები, ჩვენ და ბუნება , ალცჰაიმერის დაავადება, ექიმის რჩევები
მსოფლიო მეცნიერული კვლევები, ჩვენ და ბუნება , ალცჰაიმერის დაავადება, ექიმის რჩევები
თბილისი, 31ივლისი — Sputnik. ჰორტენზიის ფოთლებიდან მიღებული ნივთიერება შეიძლება ეფექტური სამკურნალო საშუალება იყოს ცილოვან ფოლაქებთან ბრძოლისთვის, რომლებიც ალცჰაიმერის დაავადების განვითარების ხელშემწყობად მიიჩნევა, ნათქვამია ჟურნალ
Biomedicine & Pharmacotherapy-ის მიერ გამოქვეყნებულ კვლევაში.
მეცნიერთა თქმით, საუბარია ნივთიერება ფილოდულცინზე, რომელიც ჰორტენზიის მაკროფილში გვხვდება.
ჰორტენზიის გამხმარი ფოთლები აზიის ქვეყნებში სამკურნალო ჩაის დასამზადებლად გამოიყენება, ხოლო ფილოდულცინი ცნობილია, როგორც ძლიერი ბუნებრივი დამატკბობელი. ის 400-800-ჯერ უფრო ტკბილია, ვიდრე საქაროზა.
გარდა ამისა, ბოლო კვლევებმა აჩვენა, რომ ფილოდულცინს შეუძლია გადალახოს ჰემატოენცეფალიური ბარიერი და დათრგუნოს ტვინში ამილოიდის ბეტა ცილის აგრეგაცია.
საკუთარი ჰიპოთეზა მკვლევარებმა ლაბორატორიულ თაგვებზე შეამოწმეს. მღრღნელებს გენეტიკური მოდიფიკაცია ჩაუტარეს, რათა მათ ორგანიზმში ამილოიდური ფოლაქები წარმოქმნილიყო, რომლებიც ალცჰაიმერს ავითარებს. მეცნიერები თაგვებს ერთი თვის განმავლობაში ასმევდნენ ფილოდულცინიან საკონტროლო ნივთიერებას ყოველ სამ დღეში ერთხელ. ექსპერიმენტის დასრულების შემდეგ, ვიდრე საცდელი მღრღნელების ტვინის ქსოვილის ანალიზს ჩაატარებდნენ, მკვლევარებმა მათი დასწავლის უნარი და მახსოვრობა შეამოწმეს.
აღმოჩნდა, რომ ფილოდულცინი, გარდა იმისა, რომ ამილოიდების ბეტა-აგრეგაციას აჩერებდა, მანამდე არსებულ აგრეგაციებსაც ანადგურებდა.
მკვლევარებმა ასევე დაადგინეს, რომ ექსტრაქტი ამცირებს ბეტა-ამილოიდთან დაკავშირებულ ნეიროტოქსიკურობას და ხელს უშლის მეხსიერების დაქვეითებას.
„ჩვენი კვლევა პირველია, სადაც ნათქვამია, რომ ფილოდულცინმა შესაძლოა შეცვალოს ალცჰაიმერის დაავადების ძირითადი პათოგენეზი, რაც დემენციის პრევენციას, ან მისი პროგრესირების შეფერხებას ხდის შესაძლებელს“, — წერენ მეცნიერები.
ალცჰაიმერის დაავადება — დემენციის ყველაზე გავრცელებული სახეობაა, რომელიც მთელ მსოფლიოში მილიონობით ადამიანს აწუხებს.
ეს ნეიროდეგენერაციული დაავადება ხასიათდება მეხსიერების პროგრესირებადი დაქვეითებითა და გარკვეული ინტელექტუალური (კოგნიტიური) ფუნქციების მოშლით, რაც ადამიანის ყოველდღიურ საქმიანობაში დარღვევებს იწვევს.
დაავადების ზუსტი მიზეზები დადგენილი არ არის. ცნობილია, რომ ალცჰაიმერი მაშინ იჩენს თავს, თუ ტვინში ერთდროულად ორი ნეიროპათოლოგიური დაზიანებაა — ბეტა-ამილოიდური ცილის უჯრედშორისი დალექვა და ტაუ-ცილის უჯრედშიდა დალექვა. ამასთან დაავადების გამომწვევი რისკების დაახლოებით 70% გენეტიკურ ფაქტორებს უკავშირდება.
