ძლიერმა წვიმამ კახეთში პრობლემები შექმნა

© courtesy of Village Chikaaniსეტყვა ყვარელში
სეტყვა ყვარელში - Sputnik საქართველო, 1920, 18.07.2023
გამოწერა
НовостиTelegram
უამინდობით მიყენებული ზარალის დასადგენად სპეციალური კომისია შეიქმნება
თბილისი, 17 ივლისი – Sputnik. უამინდობამ ყვარელი და ლაგოდეხი დააზარალა - ძლიერი წვიმის შედეგად დაიტბორა საცხოვრებელი სახლები, სეტყვამ დააზიანა საკარმიდამო ნაკვეთები და სავარგულები, მოსახლეობის ნაწილი ელექტროენერგიის გარეშე დარჩა, იუწყება „პირველი არხი“.
ტელეარხის ინფორმაციით, ძლიერი წვიმის შედეგად ათობით საცხოვრებელი სახლი დაიტბორა.
ადგილზე მუშაობენ საგანგებო სიტუაციების მართვის სამსახურის წარმომადგენლები. მიმდინარეობს წყლის ამოტუმბვა.
გარდა ამისა, დაზიანდა ელექტროგადამცემი ბოძებიც, რის შედეგად ელექტროენერგიის გარეშეა დარჩენილი ქალაქის ნაწილი. ლაგოდეხში ასევე მოგლეჯილია ხეები, რამაც საავტომობილო გზის ჩახერგვა გამოიწვია.
სტიქიის შედეგად მიყენებული ზარალის დათვლის მიზნით, ორივე მუნიციპალიტეტში სპეციალური კომისიები შეიქმნება.
ყველა ახალი ამბავი
0