https://sputnik-georgia.com/20230630/dinamo-arenastan-1-ivliss-mozraoba-seizrudeba-279129481.html
„დინამო არენას" მიმდებარედ 1 ივლისს ტრანსპორტის მოძრაობა დროებით შეიზღუდება
„დინამო არენას" მიმდებარედ 1 ივლისს ტრანსპორტის მოძრაობა დროებით შეიზღუდება
Sputnik საქართველო
საფეხბურთო მოედნის მიმდებარედ ავტომობილების მოძრაობის შეზღუდვა 1 ივლისს დაგეგმილ საქართველო–ისრაელის მატჩს უკავშირდება. 30.06.2023-ს, Sputnik საქართველო
2023-06-30T17:14+0400
2023-06-30T17:14+0400
2023-06-30T21:47+0400
ტრანსპორტი საქართველოში
თბილისი დღეს
თბილისის მერია
ახალი ამბები
საზოგადოება
საქართველო
https://cdnn1.img.sputnik-georgia.com/img/07e4/0c/11/250363875_0:67:1281:787_1920x0_80_0_0_8470b5f609295982cd602b16c786b068.jpg
თბილისი, 30 ივნისი — Sputnik. უეფას 21 წლამდელთა ევროპის ჩემპიონატის ფარგლებში 1 ივლისის 14:00 საათიდან 24:00 საათამდე, „დინამო არენას" მიმდებარე ტერიტორიაზე ტრანსპორტის მოძრაობა დროებით შეიზღუდება, იუწყება თბილისის მერია. „ევრო 2023"-ის მეოთხედფინალში საქართველოს ახალგაზრდული ნაკრები (U21) 1 ივლისს „დინამო არენაზე" ისრაელის გუნდს დაუპირისპირდება. ღონისძიების პერიოდში სლავა მეტრეველის ქუჩაზე ტრანსპორტით გადაადგილებას მხოლოდ ადგილობრივი მცხოვრებლები შეძლებენ, გიორგი ცაბაძის ქუჩაზე კი მოძრაობა სრულად აიკრძალება. გზის მარცხენა, სტადიონის მხარე განკუთვნილი იქნება მხოლოდ ფეხით მოსიარულეთათვის, საპირისპირო მხარეს განლაგებული პარკინგით კი საპატრულო პოლიციის ეკიპაჟები ისარგებლებენ. აკაკი წერეთლის გამზირისკენ მიმავალი ავტომობილები იმოძრავებენ გიორგი ცაბაძისა და დავით აღმაშენებლის გამზირის კვეთამდე არსებულ საგზაო მონაკვეთში, შემდეგ მოუხვევენ მარჯვნივ და დავით აღმაშენებლის გამზირის, მურმან ლებანიძისა და მიხეილ წინამძღვრიშვილის ქუჩების გავლით აკაკი წერეთლის გამზირის მიმართულებით გადაადგილდებიან. რაც შეეხება წერეთლის გამზირიდან ცაბაძის ქუჩის მიმართულებით მოძრავ ავტომობილებს, მძღოლები გადაადგილებას შეძლებენ წერეთლის გამზირიდან წინამძღვრიშვილის ქუჩის, თამარ მეფის გამზირისა და მტკვრის მარცხენა სანაპიროს გამოყენებით. ალტერნატიული გზის გამოყენების შემთხვევაში დავით ყიფიანის ქუჩიდან წერეთლის გამზირის მიმართულებით ტრანსპორტი ბათუმის ქუჩის ან ვახუშტი ბაგრატიონის ქუჩის გავლით იმოძრავებს. წერეთლის გამზირზე გზის მარცხენა, სტადიონის მხარე განკუთვნილი იქნება ფეხით მოსიარულეთათვის, საპირისპირო მხარეს კი ავტომობილები ორმხრივად გადაადგილდებიან. შეზღუდვის პერიოდში დავით ყიფიანის, გიორგი ცაბაძისა და წინამძღვრიშვილის ქუჩებზე განთავსებული საზოგადოებრივი ავტოსადგომები დაეთმობა ტურნირის მონაწილეებს, რის გამოც შეზღუდვის პერიოდში მოქალაქეები ავტოსადგომებით სარგებლობას ვერ შეძლებენ. ამ პერიოდში შეიცვლება საზოგადოებრივი ტრანსპორტის მოძრაობის სქემაც. დეტალური ინფორმაცია, თუ როგორ იმოძრავებს მუნიციპალური ტრანსპორტი, მერიის ვებ-გვერდზეა მოცემული.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ტრანსპორტი საქართველოში, თბილისი დღეს, თბილისის მერია, ახალი ამბები, საზოგადოება, საქართველო
ტრანსპორტი საქართველოში, თბილისი დღეს, თბილისის მერია, ახალი ამბები, საზოგადოება, საქართველო
„დინამო არენას" მიმდებარედ 1 ივლისს ტრანსპორტის მოძრაობა დროებით შეიზღუდება
17:14 30.06.2023 (განახლებულია: 21:47 30.06.2023) საფეხბურთო მოედნის მიმდებარედ ავტომობილების მოძრაობის შეზღუდვა 1 ივლისს დაგეგმილ საქართველო–ისრაელის მატჩს უკავშირდება.
თბილისი, 30 ივნისი — Sputnik. უეფას 21 წლამდელთა ევროპის ჩემპიონატის ფარგლებში 1 ივლისის 14:00 საათიდან 24:00 საათამდე, „დინამო არენას" მიმდებარე ტერიტორიაზე ტრანსპორტის მოძრაობა დროებით შეიზღუდება, იუწყება თბილისის მერია.
„ევრო 2023"-ის მეოთხედფინალში საქართველოს ახალგაზრდული ნაკრები (U21) 1 ივლისს „დინამო არენაზე" ისრაელის გუნდს დაუპირისპირდება.
ღონისძიების პერიოდში სლავა მეტრეველის ქუჩაზე ტრანსპორტით გადაადგილებას მხოლოდ ადგილობრივი მცხოვრებლები შეძლებენ, გიორგი ცაბაძის ქუჩაზე კი მოძრაობა სრულად აიკრძალება. გზის მარცხენა, სტადიონის მხარე განკუთვნილი იქნება მხოლოდ ფეხით მოსიარულეთათვის, საპირისპირო მხარეს განლაგებული პარკინგით კი საპატრულო პოლიციის ეკიპაჟები ისარგებლებენ.
აკაკი წერეთლის გამზირისკენ მიმავალი ავტომობილები იმოძრავებენ გიორგი ცაბაძისა და დავით აღმაშენებლის გამზირის კვეთამდე არსებულ საგზაო მონაკვეთში, შემდეგ მოუხვევენ მარჯვნივ და დავით აღმაშენებლის გამზირის, მურმან ლებანიძისა და მიხეილ წინამძღვრიშვილის ქუჩების გავლით აკაკი წერეთლის გამზირის მიმართულებით გადაადგილდებიან.
რაც შეეხება წერეთლის გამზირიდან ცაბაძის ქუჩის მიმართულებით მოძრავ ავტომობილებს, მძღოლები გადაადგილებას შეძლებენ წერეთლის გამზირიდან წინამძღვრიშვილის ქუჩის, თამარ მეფის გამზირისა და მტკვრის მარცხენა სანაპიროს გამოყენებით.
ალტერნატიული გზის გამოყენების შემთხვევაში დავით ყიფიანის ქუჩიდან წერეთლის გამზირის მიმართულებით ტრანსპორტი ბათუმის ქუჩის ან ვახუშტი ბაგრატიონის ქუჩის გავლით იმოძრავებს.
წერეთლის გამზირზე გზის მარცხენა, სტადიონის მხარე განკუთვნილი იქნება ფეხით მოსიარულეთათვის, საპირისპირო მხარეს კი ავტომობილები ორმხრივად გადაადგილდებიან.
შეზღუდვის პერიოდში დავით ყიფიანის, გიორგი ცაბაძისა და წინამძღვრიშვილის ქუჩებზე განთავსებული საზოგადოებრივი ავტოსადგომები დაეთმობა ტურნირის მონაწილეებს, რის გამოც შეზღუდვის პერიოდში მოქალაქეები ავტოსადგომებით სარგებლობას ვერ შეძლებენ.
ამ პერიოდში შეიცვლება საზოგადოებრივი ტრანსპორტის მოძრაობის სქემაც. დეტალური ინფორმაცია, თუ როგორ იმოძრავებს მუნიციპალური ტრანსპორტი, მერიის ვებ-გვერდზეა
მოცემული.
