მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აშშ-ში ლაბორატორიაში გამოყვანილი ხორცის გაყიდვის ნებართვა გაიცა

© photo: Sputnik / Alexander Kryazhev / გადასვლა მედიაბანკში
  - Sputnik საქართველო, 1920, 22.06.2023
გამოწერა
НовостиTelegram
თბილისი, 22 ივნისი — Sputnik. შეერთებული შტატების სოფლის მეურნეობის სამინისტრომ ლაბორატორიაში წარმოებული ხორცის გაყიდვის ნებართვა გასცა, იუწყება სააგენტო Bloomberg.
გავრცელებული ინფორმაციით, ლაბორატორიაში ქათმის ხორცის წარმოებისა და კომერციული გაყიდვების უფლება ამ ეტაპზე ორმა კომპანიამ — Eat Just Inc.-მა და Upside Foods Inc-მა მიიღო.
როგორც გამოცემა წერს, Eat Just-მა და Upside-მა ყველა ის წინააღმდეგობა გადალახეს, რომლებსაც ლაბორატორიული პროდუქტების გაყიდვაზე ნებართვის მიღების „რთულ გზაზე“ აწყდებოდნენ.
არსებული ინფორმაციით, აშშ-ის სურსათისა და წამლის უსაფრთხოების სააგენტოს არ გამოუვლენია არანაირი უკუჩვენება საკვებად ამგვარი ხორცის გამოყენებასთან დაკავშირებით.

„სხვა საკითხია, მოისურვებენ თუ არა მყიდველები ლაბორატორიაში გამოზრდილი ქათმის ხორცის შეძენას“, — წერს გამოცემა.

გავრცელებული ცნობით, ლაბორატორიული ხორცი ცხოველური უჯრედების ნიმუშიდან მიიღება, რომელიც ფოლადის კონტეინერებში იკვებება და იზრდება.
Upside Foods-ის ხელმძღვანელობამ ნებართვის მიღებას „ახდენილი ოცნება“ და „ახალი ერის დასაწყისი“ უწოდა.
როგორც ცნობილი ხდება, Upside Foods და Good Meat ლაბორატორიულ ხორცს თავდაპირველად ძვირადღირებულ რესტორნებს მიაწვდიან. ხოლო წარმოების მოცულობის გაზრდის შემდეგ კულტივირებული ხორცი სუპერმარკეტებშიც გამოჩნდება.
აღინიშნება, რომ აშშ მეორე ქვეყანაა სინგაპურის შემდეგ, სადაც კულტივირებული პროდუქტების წარმოება-გაყიდვაა ნებადართული.
წყარო: Bloomberg
ყველა ახალი ამბავი
0