ხიდისთავი ღვინის ფესტივალს უმასპინძლებს

© photo: Sputnik / Stringerქართული ღვინო
ქართული ღვინო - Sputnik საქართველო, 1920, 19.06.2023
გამოწერა
НовостиTelegram
თბილისი 19 ივნისი — Sputnik. გურული ღვინის ფესტივალი ხიდისთავში 24 ივნისს გაიმართება, იუწყებიან ორგანიზატორები.
ჩოხატაურში ღვინის ფესტივალი პირველად 2022 წელს ჩატარდა. იგი მიზნად ისახავს გურიის ენდემური ჯიშების ღვინის პოპულარიზაციას და რეგიონში მევენახეობის განვითარებას.
წელს ფესტივალს სოფელი ხიდისთავი უმასპინძლებს, რომლის ძველი სახელწოდებაა ოცხანა და სწორედ აქედან მოდის ღვინო „ოცხანური საფერე“.
ღონისძიების ფარგლებში დაგეგმილ ბაზრობაზე ფესტივალში მონაწილე გურული მეღვინეები საკუთარ პროდუქციას წარმოადგენენ, ასევე გაიმართება ტრადიციული კულინარიული ნაწარმის გამოფენა-გაყიდვა. სტუმრებს ელოდებათ ადგილობრივი ცეკვის ანსამბლებისა და ქუთაისის სასულიერო ორკესტრის კონცერტი.
ფესტივალი 12:00 საათზე გაიხსნება. ღონისძიების ორგანიზატორები არიან გურიის ღვინის ასოციაცია და ჩოხატაურის მუნიციპალიტეტის თვითმმართველობა.
ყველა ახალი ამბავი
0