დასახელდა საქართველოს რაგბის ახალგაზრდული ნაკრების შემადგენლობა მსოფლიო ჩემპიონატზე
12:12 13.06.2023 (განახლებულია: 17:04 13.06.2023)
© photo: Sputnik / Stringer
გამოწერა
თავის პირველ მატჩს ლადო კილასონიას გუნდი სამხრეთ აფრიკის რესპუბლიკის ნაკრების წინააღმდეგ 24 ივნისს გამართავს.
თბილისი, 13 ივნისი — Sputnik. საქართველოს რაგბის 20 წლამდელთა ნაკრების მწვრთნელთა შტაბმა იმ 30 მოთამაშის გვარი დაასახელა, რომლებიც სამხრეთ აფრიკის რესპუბლიკაში მსოფლიო ჩემპიონატში მიიღებენ მონაწილეობას.
მსოფლიო ჩემპიონატი რაგბიში U-20 სამხრეთ აფრიკის რესპუბლიკაში 24 ივნისიდან 14 ივლისის ჩათვლით პერიოდში გაიმართება. საქართველოს ნაკრები ჯგუფში სამხრეთ აფრიკის რესპუბლიკის, არგენტინისა და იტალიის ახალგაზრდულ ნაკრებებთან მოხვდა.
თავის პირველ მატჩს ლადო კილასონიას გუნდი სამხრეთ აფრიკის რესპუბლიკის ნაკრების წინააღმდეგ 24 ივნისს (თბილისის დროით 21:00 საათზე) გამართავს, ხოლო 29 ივნისს საქართველოს ნაკრების მეტოქე არგენტინა იქნება (18:30 სთ). ჯგუფში ბოლო მატჩს ბორჯღალოსნები იტალიის წინააღმდეგ 4 ივლისს (13:00 სთ) გამართავენ.
საქართველოს ნაკრების შემადგენლობა:
შერკინება:
გიორგი მამაიაშვილი („გრენობლი"),
სერგო აბრამიშვილი („სტად ფრანსე")
ლაშა ფხაკაძე („ნევერი")
ნიკა ბაბუნაშვილი („ლელო")
ბასა ხონელიძე („ორიაკი")
თამაზ ჭამიაშვილი („ხარები")
ირაკლი აფციაური („გრენობლი")
ბადრი ციხისთავი („ბეიონი")
დავით მჭედლიძე („ტულონი")
გურამ ღანიაშვილი („გრენობლი")
გიორგი ნიკოლაძე („აია")
გიორგი გერგედავა („კლერმონი")
ნიკა ლომიძე („ხარები")
ლაშა ციხისთავი („ბეიონი")
რატი ზაზაძე („ნევერი")
ნიკოლოზ საყვარელიძე („ორიაკი")
თორნიკე ღანიაშვილი („ლელო")
უკანა ხაზი:
დავით ხუროშვილი („ლელო")
სანდრო ჯიღაური („ლელო")
ნიკოლოზ კუპრაშვილი („ყოჩები")
პეტრე ხუციშვილი („ლელო")
გელა ხელაძე („ლელო")
ნიკოლას რაგოევი („ნევერი")
გიორგი შველიძე („ბრივი")
თორნიკე კახოიძე („შავი ლომი")
შალვა აფციაური („ლელო")
ლუკა ხორბალაძე („ლელო")
ლუკა ცირეკიძე („ლელო")
ვაჟა მიქაძე („ლელო")
ლუკა კობაური („პერპინიანი").
ჯგუფური ეტაპის დასრულების შემდეგ თასისთვის ბრძოლას ოთხი საუკეთესო გუნდი გააგრძელებს, მეორე ადგილებზე გასული ოთხი გუნდი მეხუთე-მერვე ადგილებისთვის იბრძოლებს, ხოლო მესამე ოთხეული – მეცხრე-მეთორმეტე ადგილებისთვის. ნახევარფინალური მატჩები ჩატარდება 9 ივლისს, ფინალური – 14 ივლისს.
გუნდი, რომელიც მე-12 ადგილზე გავა, Gaisad Alaf-ში იქნება გადაყვანილი. მას Alaf-ის ამ წლის გამარჯვებული ჩაანაცვლებს, რომელიც 15-30 ივნისს გაიმართება.
საქართველოს ნაკრებმა მსოფლიოს ახალგაზრდულ ჩემპიონატზე პირველად 2016 წელს ითამაშა და მეათე ადგილი დაიკავა. 2017 და 2019 წლებში საქართველო ასევე მეათე იყო, ხოლო 2018 წელს მეცხრე ადგილი დაიკავა.
