სროლა ვაშლოვნის ნაკრძალში - დააკავეს სასაზღვრო პოლიციის თანამშრომელი

© photo: Sputnik / Mikhail Voskresensky / გადასვლა მედიაბანკში
  - Sputnik საქართველო, 1920, 31.05.2023
გამოწერა
НовостиTelegram
ბრალის დამტკიცების შემთხვევაში დაკავებულს ხუთიდან რვა წლამდე ვადით პატიმრობა ემუქრება.
თბილისი, 31 მაისი — Sputnik. სპეციალურმა საგამოძიებო სამსახურმა ვაშლოვანის ნაკრძალში ტურისტების მიმართ ძალადობით და იარაღის გამოყენებით სამსახურებრივი უფლებამოსილების გადამეტების ფაქტზე შინაგან საქმეთა სამინისტროს სასაზღვრო პოლიციის თანამშრომელი დააკავა.
გამოძიებით დადგინდა, რომ 28 მაისს საქართველოს სასაზღვრო პოლიციის უმცროსი სერჟანტი ვაშლოვანის ნაკრძალში ტურისტების ბანაკის მიმდებარედ ქვეითად პატრულირებას ახორციელებდა, რა დროსაც ტურისტებთან შელაპარაკება მოუვიდა.

„მან ბრიტანელ და ბელარუს ტურისტებს თვითნებურად, ყოველგვარი სამართლებრივი საფუძვლის გარეშე ხელბორკილი დაადო და რაიმე წინაპირობის არარსებობის მიუხედავად, სამსახურებრივი ავტომატური ცეცხლსასროლი იარაღიდან ერთი გასროლა განახორციელა, რის შედეგადაც დაზიანება არავის მიუღია", – აღნიშნულია სპეციალური საგამოძიებო სამსახურის მიერ გავრცელებულ განცხადებაში.

საქმეზე გამოძიება სსკ-ის 333-ე მუხლის მესამე ნაწილის ,,ბ“ ქვეპუნქტით მიმდინარეობს. დანაშაული ხუთიდან რვა წლამდე თავისუფლების აღკვეთას ითვალისწინებს.
ყველა ახალი ამბავი
0