რუსი გენერალი აშშ-ს პოსტსაბჭოთა ქვეყნებში საშიში პათოგენების შეგროვებაში ადანაშაულებს

© AFP 2024 / GETTY IMAGES NORTH AMERICA / MARIO TAMA
  - Sputnik საქართველო, 1920, 26.05.2023
გამოწერა
თბილისი, 26 მაისი — Sputnik. სხვა ქვეყნების პათოგენური მიკროორგანიზმების კოლექციები, მშვიდობიანი ამოცანების საფარით, შეერთებული შტატების საკუთრება ხდება, განაცხადა რუსეთის რადიაციული, ქიმიური და ბიოლოგიური თავდაცვის ძალების მეთაურმა, გენერალ-ლეიტენანტმა იგორ კირილოვმა.
მისი თქმით, ამერიკელები გეგმავენ, რომ ცენტრალურ აზიასა და კავკასიაში ჰუმანიტარული თანამშრომლობის ეგიდით განსაკუთრებით საშიში ინფექციების პათოგენები შეარჩიონ.

„შუა აზიისა და კავკასიის ქვეყნებში, წმინდად მშვიდობიანი ამოცანების საფარქვეშ, იგეგმება მუშაობა ამ რეგიონებისთვის ენდემური, განსაკუთრებით საშიში ინფექციების პათოგენების ნიმუშების შერჩევისა და გენოტიპირებისთვის. ესენია: ჭირი, ჯილეხი, ტულარემია“, — განაცხადა კირილოვმა ბრიფინგზე.

მისი თქმით, ამერიკის ადმინისტრაცია ამ მიზნით „ვითომ ჰუმანიტარული“ თანამშრომლობის უკვე შემუშავებულ სცენარს იყენებს: ამერიკელები ამა თუ იმ ქვეყანაში არსებული ბიოლოგიური ვითარებით შეშფოთდებიან, შემდეგ ამ ქვეყნების პროფილური სამინისტროები პრობლემის გადაჭრაზე ერთობლივი მუშაობით ინტერესდებიან და მთავრობებს შორის ხელშეკრულება ფორმდება.
„შედეგად – შენდება ბიოლოგიური ობიექტი, რომელიც ბიომონიტორინგის ერთიან სისტემაში ერთვება. ქვეყნის ყველა ბიოლოგიური პროექტი, მათ შორის პათოგენური მიკროორგანიზმების კოლექციები, ხდება შეერთებული შტატების საკუთრება, ხოლო შექმნილი ლაბორატორიული ბაზა უსარგებლო ხდება ამერიკის მხარდაჭერის გარეშე“, — მიაჩნია რუს გენერალს.
როგორც კირილოვი ამბობს, შეერთებულმა შტატებმა პოსტსაბჭოთა სივრცეში სამხედრო ბიოლოგიური აქტივობების გასაძლიერებლად პენტაგონის კონტრაქტორი ორგანიზაციები და საფრთხეების შემცირების ოფისი (DITRA) სამოქალაქო ორგანიზაციებით ჩაანაცვლა, კერძოდ, აშშ-ის დაავადებათა კონტროლისა და პრევენციის ცენტრითა და კვლევითი კომპანია Griffin Scientific-ით.
ყველა ახალი ამბავი
0