მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ტრამპი VS დესანტისი: გამოიკვეთა რესპუბლიკელთა ლიდერი - გამოკითხვის შედეგები

© AP Photo / Evan Vucci
  - Sputnik საქართველო, 1920, 25.05.2023
გამოწერა
თბილისი, 25 მაისი — Sputnik. აშშ-ის ყოფილ პრეზიდენტ დონალდ ტრამპს პრაიმერიზში რესპუბლიკელი ამომრჩევლების უმრავლესობა დაუჭერს მხარს, ხოლო მის კონკურენტს, ფლორიდის გუბერნატორ რონ დესანტისს — 26%, იუწყება ტელეარხი CNN კომპანია SSRS-ის გამოკითხვაზე დაყრდნობით.

„ტრამპი პირველი არჩევანია რესპუბლიკური პარტიის წევრებისა და მისი მომხრეების 53%-სთვის პრაიმერიზში, რაც დაახლოებით ორჯერ აღემატება რონ დესანტისის 26%-ს“, — ნათქვამია გამოკითხვის შედეგებში.

თუმცა იქვე აღინიშნება, რომ რესპუბლიკელების მხარდამჭერ ამომრჩეველთაგან ბევრი მზადაა პრეზიდენტის პოსტზე ამ ორიდან ნებისმიერზე და ასევე სხვა კანდიდატებზეც იმსჯელოს.
ასევე აღინიშნება, რომ ტრამპის მხარდაჭერა მნიშვნელოვნადაა გაზრდილი მარტის გამოკითხვის შედეგებთან შედარებით. მაშინ გამოკითხვამ აჩვენა, რომ ყოფილ პრეზიდენტსაც და რონ დესანტისსაც თითქმის თანაბარი რაოდენობის ამომრჩეველი უჭერდა მხარს.
არსებული ცნობით, დონალდ ტრამპი ერთნაირი მაჩვენებლით უსწრებს დესანტისს როგორც ასაკოვან, ისე ახალგაზრდა ამომრჩევლებს შორის. ამასთან აღინიშნება, რომ მარტში ტრამპს ასაკოვანი ელექტორატის უფრო ნაკლები რაოდენობა უჭერდა მხარს.
კვლევა 17-20 მაისს ჩატარდა და შემთხვევით შერჩეული 1227 ამერიკელი გამოიკითხა. კვლევის ცდომილება 5,8%-ია.
აშშ-ის საპრეზიდენტო არჩევნები 2024 წლის ნოემბერშია დაგეგმილი. დონალდ ტრამპმა 2022 წლის ნოემბერში გამოაცხადა, რომ პრეზიდენტობისთვის იბრძოლებს, ხოლო მოქმედმა პრეზიდენტმა ჯო ბაიდენმა — მიმდინარე წლის აპრილში.
რაც შეეხება ფლორიდის გუბერნატორ რონ დესანტისს, არჩევნებში მონაწილეობაზე ოფიციალური განაცხადი მან 24 მაისს წარადგინა, თუმცა მისი გადაწყვეტილების თაობაზე ბევრად ადრე გახდა ცნობილი.
ყველა ახალი ამბავი
0