მოსკოვი მუქარაზე პასუხს მოძებნის: რიაბკოვმა სალივანის განცხადებაზე კომენტარი გააკეთა

© photo: Sputnik / Vladimir Astapkovich / გადასვლა მედიაბანკშისერგეი რიაბკოვი
სერგეი რიაბკოვი - Sputnik საქართველო, 1920, 22.05.2023
გამოწერა
თბილისი, 22 მაისი — Sputnik. ყირიმი რუსეთის ფედერაციის ნაწილია და აშშ-ის მუქარა, რომ დარტყმას მიიტანს მასზე, უპასუხისმგებლოა, განაცხადა რუსეთის საგარეო საქმეთა მინისტრის მოადგილემ სერგეი რიაბკოვმა ეროვნული უსაფრთხოების საკითხებში აშშ-ის პრეზიდენტის თანაშემწის ჯეიკ სალივანის განცხადების პასუხად.
მისი თქმით, ყირიმთან დაკავშირებით მუქარა და საკითხის ისე წარმოჩენა, თითქოს ნახევარკუნძული რუსეთის ნაწილი არ არის, ვაშინგტონის უპასუხისმგებლობაზე მეტყველებს.

„ყირიმი რუსეთის განუყოფელი ნაწილია და საკითხის სხვაგვარად, იმ სიბრტყეში წარმოჩენის მცდელობა, რომ ეს ყველაფერი საეჭვოა, და ასევე მუქარა, ვაშინგტონის უპასუხისმგებლო ესკალაციური კურსის დასტურია. რუსეთი მოძებნის გზას, როგორ არ დაუშვას მსგავსი მუქარის რეალიზაცია. ეჭვი არ არის, რომ რუსეთის ტერიტორიული მთლიანობა, ისევე, როგორც მისი უსაფრთხოება, საიმედოდ იქნება უზრუნველყოფილი“, — განუცხადა რიაბკოვმა ჟურნალისტებს.

მანამდე ჯეიკ სალივანმა განაცხადა, რომ ვაშინგტონი არ აძლევს უკრაინას დასავლური იარაღის რუსეთის ტერიტორიებზე შეტევისთვის გამოყენების უფლებას, მაგრამ ყირიმი ასეთ ტერიტორიად არ მიაჩნია.
რუსეთმა ყირიმი 2014 წლის მარტში მიიერთა ყირიმსა და სევასტოპოლში ჩატარებული რეფერენდუმების საფუძველზე. მოსკოვის მონაცემებით, მაშინ რუსეთთან შეერთებას ყირიმელი ამომრჩევლების 96,77%-მა და სევასტოპოლის მოსახლეობის 95,6%-მა დაუჭირა მხარი. უკრაინა და სხვა ქვეყნები რეფერენდუმების შედეგებს არ ცნობენ და ყირიმს კვლავაც უკრაინის ტერიტორიად მიიჩნევენ.
ყველა ახალი ამბავი
0