ირაკლი ღარიბაშვილმა XII კლასელებს სკოლის დამთავრება მიულოცა

© photo: Sputnik / Stringer„ბოლო ზარი" სკოლებში
„ბოლო ზარი სკოლებში - Sputnik საქართველო, 1920, 19.05.2023
გამოწერა
მთავრობა ყველაფერს აკეთებს იმისთვის, რომ ახალგაზრდებს განათლების, თვითრეალიზებისა და ღირსეული ცხოვრების ყველა პირობა შეუქმნას, აღნიშნა პრემიერ-მინისტრმა.
თბილისი, 19 მაისი — Sputnik. საქართველოს პრემიერ-მინისტრმა ირაკლი ღარიბაშვილმა XII კლასელებს სკოლის დამთავრება – ცხოვრების უმნიშვნელოვანესი მოვლენა მიულოცა.
დღეს საქართველოს სახელმწიფო სკოლებში XII კლასელებისთვის სასწავლო პროცესი დასრულდა.

„დღეიდან თქვენ წინაშე სრულიად ახალი ეტაპი იწყება – ახალი გამოცდილებებით, ურთიერთობებით, მეგობრებით, პასუხისმგებლობით საკუთარი მომავლისა და სამშობლოს წინაშე, რაც მთავარია, განვითარების ახალი პერსპექტივებით. წარმატებებს გისურვებთ ამ დიდ გზაზე", – ნათქვამია საქართველოს პრემიერ-მინისტრის განცხადებაში.

როგორც ღარიბაშვილმა აღნიშნა, ის დარწმუნებულია, რომ თითოეული იპოვის ღირსეულ ადგილს საზოგადოებაში, რომ მათი სწავლა და შრომა ქვეყანას ისევე გამოადგება, როგორც მათ პირად წინსვლას.
მინდა იცოდეთ, რომ ჩვენი მთავრობა ყველაფერს აკეთებს იმისთვის, რომ თქვენ – ხვალინდელი საქართველოს უმთავრეს შემოქმედებს განათლების, თვითრეალიზებისა და ღირსეული ცხოვრების ყველა პირობა შეგიქმნათ, წერია პრემიერის მილოცვაში.
„თქვენ გამორჩეული თაობა ხართ და მჯერა, ასეთივე განსაკუთრებულ მომავალს შექმნით!" – აღნიშნულია განცხადებაში.
საქართველოს სკოლებში სწავლა, I და XII კლასების გარდა, 15 ივნისს დამთავრდება. XII კლასელებისთვის ბოლო ზარი დღეს ირეკება, ხოლო პირველკლასელები სწავლას 25 მაისს დაამთავრებენ.
ყველა ახალი ამბავი
0