https://sputnik-georgia.com/20230516/ciam-telegram-arxi-gaxsna-rusebis-gadasabireblad-277714345.html
ვეძებთ საიმედო ადამიანებს: აშშ-ის დაზვერვამ რუსების გადასაბირებლად Telegram-არხი გახსნა
ვეძებთ საიმედო ადამიანებს: აშშ-ის დაზვერვამ რუსების გადასაბირებლად Telegram-არხი გახსნა
Sputnik საქართველო
თბილისი, 16 მაისი — Sputnik. აშშ-ის ცენტრალური სადაზვერვო სააგენტო (CIA) კიდევ ერთხელ ღიად ცდილობს რუსების გადაბირებას ინტერნეტით, ამჯერად Telegram-ის... 16.05.2023-ს, Sputnik საქართველო
2023-05-16T11:10+0400
2023-05-16T11:10+0400
2023-07-20T15:51+0400
მსოფლიო დღეს
აშშ
რუსეთი
პოლიტიკა
ცენტრალური სადაზვერვო სააგენტო - cia
მსოფლიოს ახალი ამბები
https://cdnn1.img.sputnik-georgia.com/img/07e7/05/10/277714154_327:609:2131:1624_1920x0_80_0_0_b8bf9d4441e00d8e1aac1e03f07cbe84.jpg
თბილისი, 16 მაისი — Sputnik. აშშ-ის ცენტრალური სადაზვერვო სააგენტო (CIA) კიდევ ერთხელ ღიად ცდილობს რუსების გადაბირებას ინტერნეტით, ამჯერად Telegram-ის საშუალებით, წერს საინფორმაციო სააგენტო „რია ნოვოსტი“.სააგენტოს ცნობით, ამერიკულმა სპეცსამსახურმა შექმნა არხი, სადაც პროპაგანდისტული ვიდეო გამოაქვეყნა რუსულ ენაზე. როგორც ვიდეოზე დართულ პუბლიკაციაშია ნათქვამი, CIA-ს ძირითადად ის ინფორმაცია აინტერესებს, რაც რუსეთის ეკონომიკასა და ქვეყნის უმაღლეს ხელმძღვანელობას ეხება. სწორედ ამ მიზნით ეძებს „საიმედო ადამიანებს“ რუსეთში, რომლებმაც სიმართლე იციან და ამ სიმართლის მოყოლა შეუძლიათ.ამასთან ამერიკული დაზვერვა ანონიმურობასა და დაცვას ჰპირდება ყველას, ვინც ფასეულ ინფორმაციას მიაწვდის მათ, და უსაფრთხოდ დაკავშირების ინსტრუქციასაც აქვეყნებს. „რია ნოვოსტის“ ცნობით, ეს CIA-ს მიერ რუსეთის მოქალაქეების ღიად გადაბირების პირველი მცდელობა არ არის, რის დასტურადაც 2022 წლის მაისში Washington Post-ში გამოქვეყნებული სტატია მოჰყავს. მაშინ გაზეთი ოფიციალურ წყაროებზე დაყრდნობით წერდა, რომ CIA-მ სოციალურ ქსელებში რუსულ ენაზე შედგენილი ინსტრუქცია გამოაქვეყნა ამერიკულ დაზვერვასთან ფარულად დასაკავშირებლად და რუსეთის შესახებ საიდუმლო ინფორმაციის გადასაცემად.გარდა ამისა, გასული წლის ნოემბერში CIA-ს დირექტორის მოადგილემ დევიდ მარლოუმ განაცხადა, რომ სპეცსამსახური უკრაინასთან ომით უკმაყოფილო რუსებს ეძებდა, რათა აგენტებად დაექირავებინა. ამის პასუხად აშშ-ში რუსეთის საელჩომ განაცხადა, რომ CIA-ს მსგავსი საჯარო განცხადებები ადასტურებს ვაშინგტონის მტრულ კურსს, რომელიც რუსეთის შიგნიდან დასუსტებას ითვალისწინებს.
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
აშშ , რუსეთი, პოლიტიკა, ცენტრალური სადაზვერვო სააგენტო - cia, მსოფლიოს ახალი ამბები
აშშ , რუსეთი, პოლიტიკა, ცენტრალური სადაზვერვო სააგენტო - cia, მსოფლიოს ახალი ამბები
თბილისი, 16 მაისი — Sputnik. აშშ-ის ცენტრალური სადაზვერვო სააგენტო (CIA) კიდევ ერთხელ ღიად ცდილობს რუსების გადაბირებას ინტერნეტით, ამჯერად Telegram-ის საშუალებით, წერს საინფორმაციო სააგენტო „რია ნოვოსტი“.
სააგენტოს ცნობით, ამერიკულმა სპეცსამსახურმა შექმნა არხი, სადაც პროპაგანდისტული ვიდეო გამოაქვეყნა რუსულ ენაზე. როგორც ვიდეოზე დართულ პუბლიკაციაშია ნათქვამი, CIA-ს ძირითადად ის ინფორმაცია აინტერესებს, რაც რუსეთის ეკონომიკასა და ქვეყნის უმაღლეს ხელმძღვანელობას ეხება. სწორედ ამ მიზნით ეძებს „საიმედო ადამიანებს“ რუსეთში, რომლებმაც სიმართლე იციან და ამ სიმართლის მოყოლა შეუძლიათ.
„ხართ სამხედრო ოფიცერი? მუშაობთ დაზვერვის, დიპლომატიის, მეცნიერების, მაღალი ტექნოლოგიების სფეროებში, ან იცნობთ ამ დარგებით დაკავებულ ადამიანებს? გაქვთ ინფორმაცია რუსეთის ეკონომიკაზე ან უმაღლეს ხელმძღვანელობაზე? დაგვიკავშირდით“, — ნათქვამია CIA-ს არხზე.
ამასთან ამერიკული დაზვერვა ანონიმურობასა და დაცვას ჰპირდება ყველას, ვინც ფასეულ ინფორმაციას მიაწვდის მათ, და უსაფრთხოდ დაკავშირების ინსტრუქციასაც აქვეყნებს.
„რია ნოვოსტის“ ცნობით, ეს CIA-ს მიერ რუსეთის მოქალაქეების ღიად გადაბირების პირველი მცდელობა არ არის, რის დასტურადაც 2022 წლის მაისში Washington Post-ში გამოქვეყნებული სტატია მოჰყავს. მაშინ გაზეთი ოფიციალურ წყაროებზე დაყრდნობით წერდა, რომ CIA-მ სოციალურ ქსელებში რუსულ ენაზე შედგენილი ინსტრუქცია გამოაქვეყნა ამერიკულ დაზვერვასთან ფარულად დასაკავშირებლად და რუსეთის შესახებ საიდუმლო ინფორმაციის გადასაცემად.
გარდა ამისა, გასული წლის ნოემბერში CIA-ს დირექტორის მოადგილემ დევიდ მარლოუმ განაცხადა, რომ სპეცსამსახური უკრაინასთან ომით უკმაყოფილო რუსებს ეძებდა, რათა აგენტებად დაექირავებინა. ამის პასუხად აშშ-ში რუსეთის საელჩომ განაცხადა, რომ CIA-ს მსგავსი საჯარო განცხადებები ადასტურებს ვაშინგტონის მტრულ კურსს, რომელიც რუსეთის შიგნიდან დასუსტებას ითვალისწინებს.
