როგორ შევწვათ მწვადი ისე, რომ კიბოს რისკები შევამციროთ: 5 რჩევა
13:57 11.05.2023 (განახლებულია: 17:11 11.05.2023)
© photo: Sputnik / Stringer
გამოწერა
თბილისი, 11 მაისი — Sputnik. ცნობილია, რომ ხორცის მწვადი მასში შემავალი ჰეტეროციკლური ნაერთების გამო ჯანმრთელობის არაერთ პრობლემას იწვევს, მათ შორის, ზრდის კიბოს განვითარების რისკს. თუმცა არსებობს მეთოდი, რომელიც მავნე ნაერთების გავლენას ამცირებს და მწვადს უსაფრთხოს ხდის, წერს გამოცემა Sohu.
გამოცემის ექსპერტების განმარტებით, ჰეტეროციკლური ნაერთები, რომლებიც გრილზე შემწვარ ხორცსა და თევზში 1970-იანი წლების ბოლოს აღმოაჩინეს, შეიცავს პროოქსიდანტებსა და ანტიოქსიდანტებს, მუტაგენებსა და კანცეროგენებს, აგრეთვე ანტიმუტაგენებსა და ანტიკარცინოგენებს, რომლებსაც შესაბამისი კანცეროგენული და მუტაგენური თვისებები აქვთ.
გარდა ამისა, ნახშირისა და მწვადის შესაწველად გამოყენებული სხვა ორგანული ნაერთების არასრული წვის დროს სხვა ტიპის ტოქსიკური ნივთიერებაც — PAH გამოიყოფა, რომელიც ასევე მუტაგენური და გენოტოქსიკურია. როგორც კვლევები აჩვენებს, ეს ნაერთები მჭიდრო კავშირშია კუჭის კიბოსთან.
როგორ მოვამზადოთ „ჯანსაღი“ მწვადი
ის, რომ მწვადის ჭამა ჯანმრთელობის რისკებს შეიცავს, ბევრმა იცის, მაგრამ მასზე უარის თქმა მაინც უჭირთ. ამის გათვალისწინებით, Sohu-ს ექსპერტებმა რამდენიმე რჩევა შეიმუშავეს, რათა ამ უგემრიელესი კერძის ჭამით გამოწვეული საფრთხეები შემცირდეს.
ქვემოთ რამდენიმე სასარგებლო რეკომენდაციას გაგაცნობთ:
1.
კვლევებმა აჩვენა, რომ ხორცის წინასწარ დამარინადება ამცირებს ჰეტეროციკლური ამინების რაოდენობას. შესაძლოა ამას მარინადში შემავალი ანტიოქსიდანტები უწყობდეს ხელს. ამიტომ შეწვის წინ აუცილებლად ჩაალბეთ ხორცი რომელიმე შესაბამის წვენში.2.
ხორცის ღია ცეცხლთან და კვამლთან კონტაქტი ზრდის ჰეტეროციკლური ამინების რაოდენობას. ამიტომ კარგი იქნება, თუ ხორცს შეწვის წინ ორთქლზე მოატარებთ. ეს ხელს შეუშლის მავნე ნივთიერებების წარმოქმნას.3.
არავითარ შემთხვევაში არ შეიძლება ხორცის ზედმეტად დამწვარი, შენახშირებული ნაწილების ჭამა. აუცილებლად მოაშორეთ ასეთი ადგილები მწვადს და მხოლოდ შემდეგ მიირთვით. საქმე ისაა, რომ ჰეტეროციკლური ამინები სწორედ ასეთ „დაბრაწულ“ ნაწილებში იყრის თავს და, შესაბამისად, ყველაზე ტოქსიკურია.4.
დაჭერით ხორცი მცირე ნაჭრებად, რათა მალე შეიწვას და ამით ღია ცეცხლთან პირდაპირი კონტაქტის დრო შემცირდეს.5.
თუ ხორცის გრილზე შეწვას აპირებთ, შეიძინეთ მხოლოდ მაღალი ხარისხის ნახშირი. ზოგიერთი მწარმოებელი უხარისხო ნახშირს ჰყიდის, რომელიც ბოლომდე არ არის გამომწვარი. შესაბამისად, მისი წვისას სქელი კვამლი წარმოიქმნება, რაც საკვესაც აბინძურებს, გარემოსაც და ჯანმრთელობასაც აზიანებს.წყარო: Sohu
