https://sputnik-georgia.com/20230510/zaxarovas-komentari-277547961.html
როგორ და რა ხნით შევლენ საქართველოს მოქალაქეები რუსეთში: ზახაროვას კომენტარი
როგორ და რა ხნით შევლენ საქართველოს მოქალაქეები რუსეთში: ზახაროვას კომენტარი
Sputnik საქართველო
თბილისი, 10 მაისი — Sputnik. რუსეთის პრეზიდენტ ვლადიმირ პუტინის გადაწყვეტილება საქართველოსთან ავიამიმოსვლის აღდგენისა და უვიზო რეჟიმის დამყარებასთან... 10.05.2023-ს, Sputnik საქართველო
2023-05-10T18:06+0400
2023-05-10T18:06+0400
2023-05-10T22:19+0400
რუსეთი
ქართულ–რუსული ურთიერთობები
საქართველო
ახალი ამბები
პოლიტიკა
https://cdnn1.img.sputnik-georgia.com/img/07e7/03/16/275999466_0:0:1600:900_1920x0_80_0_0_249ef7c666a25d3ca9fdcf9bea0f202d.jpg
თბილისი, 10 მაისი — Sputnik. რუსეთის პრეზიდენტ ვლადიმირ პუტინის გადაწყვეტილება საქართველოსთან ავიამიმოსვლის აღდგენისა და უვიზო რეჟიმის დამყარებასთან დაკავშირებით ხალხებს შორის ურთიერთობების გამარტივებას ემსახურება, განაცხადა რუსეთის საგარეო საქმეთა სამინისტროს სპიკერმა მარია ზახაროვამ.ამასთან ზახაროვამ განმარტა, თუ რა პროცედურების გავლა მოუწევთ საქართველოს მოქალაქეებს რუსეთში შესასვლელად ან იქიდან გამოსასვლელად.მისი თქმით, 2023 წლის 15 მაისიდან საქართველოს მოქალაქეები რუსეთის ტერიტორიაზე უვიზოდ შესვლას იმ სასაზღვრო პუნქტებით შეძლებენ, რომლებიც საერთაშორისო მიმოსვლისთვისაა გახსნილი — ყოველი 180 დღიდან ჯამში 90 დღემდე ვადით, დიპლომატიური, სამსახურებრივი, კერძო, საქმიანი, ტურისტული და ჰუმანიტარული მიზნებით, ასევე მოკლევადიანი სწავლისთვის.ზახაროვას თქმით, საქართველოს მოქალაქეები, რომლებიც 90 დღეზე მეტი ვადით აპირებენ სწავლას რუსულ საგანმანათლებლო ორგანიზაციებში, ასევე მუშაობას, დროებით ან მუდმივად ცხოვრობას, ვალდებული არიან ქვეყანაში შევიდნენ და გამოვიდნენ ვიზებით.გარდა ამისა, საგარეო უწყების სპიკერის თქმით, ამ დროისათვის საქართველოს მოქალაქეებისთვის უკვე მოქმედებს რუსეთში 72 საათით უვიზოდ შესვლის წესი, თუ ისინი ქვეყანაში საკრუიზო გემებით შედიან, რომლებსაც მგზავრების გადაყვანის ნებართვა აქვთ და საერთაშორისო მიმოსვლისთვის გახსნილი საზღვაო და სამდინარო პორტებით შედიან ქვეყანაში.რუსეთმა საქართველოს მოქალაქეებისთვის სავიზო რეჟიმი 2000 წელს შემოიღო. რუსეთის მოქალაქეებს საქართველოში გასამგზავრებლად ვიზა არ სჭირდებათ. საქართველომ სავიზო რეჟიმი ცალმხრივად 2012 წლის დასაწყისში გააუქმა.საქართველოსა და რუსეთს შორის საჰაერო მიმოსვლა მოსკოვმა 2019 წელს შეწყვიტა ცალმხრივად. ამის მიზეზი რუსი დეპუტატის სერგეი გავრილოვის საქართველოს პარლამენტის შენობაში გამოჩენასთან დაკავშირებული მასობრივი საპროტესტო აქციები გახდა.საქართველოსა და რუსეთს შორის დიპლომატიური ურთიერთობები არ არსებობს, ისინი ქართულმა მხარემ 2008 წლის აგვისტოს კონფლიქტის შემდეგ გაწყვიტა, როდესაც მოსკოვმა აფხაზეთისა და ცხინვალის რეგიონის დამოუკიდებლობა აღიარა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
რუსეთი, ქართულ–რუსული ურთიერთობები, საქართველო, ახალი ამბები, პოლიტიკა
რუსეთი, ქართულ–რუსული ურთიერთობები, საქართველო, ახალი ამბები, პოლიტიკა
თბილისი, 10 მაისი — Sputnik. რუსეთის პრეზიდენტ ვლადიმირ პუტინის გადაწყვეტილება საქართველოსთან ავიამიმოსვლის აღდგენისა და უვიზო რეჟიმის დამყარებასთან დაკავშირებით ხალხებს შორის ურთიერთობების გამარტივებას ემსახურება, განაცხადა რუსეთის საგარეო საქმეთა სამინისტროს სპიკერმა მარია ზახაროვამ.
„პრეზიდენტის გადაწყვეტილება ემთხვევა ჩვენს პრინციპულ მიდგომას, თანმიმდევრულად გავამარტივოთ კომუნიკაცია და კონტაქტები რუსეთისა და საქართველოს მოქალაქეებს შორის, მიუხედავად დიპლომატიური ურთიერთობების არარსებობისა“, — ნათქვამია ზახაროვას კომენტარში, რომელიც რუსეთის საგარეო საქმეთა სამინისტროს ვებ-გვერდზეა გამოქვეყნებული.
ამასთან ზახაროვამ განმარტა, თუ რა პროცედურების გავლა მოუწევთ საქართველოს მოქალაქეებს რუსეთში შესასვლელად ან იქიდან გამოსასვლელად.
მისი თქმით, 2023 წლის 15 მაისიდან საქართველოს მოქალაქეები რუსეთის ტერიტორიაზე უვიზოდ შესვლას იმ სასაზღვრო პუნქტებით შეძლებენ, რომლებიც საერთაშორისო მიმოსვლისთვისაა გახსნილი — ყოველი 180 დღიდან ჯამში 90 დღემდე ვადით, დიპლომატიური, სამსახურებრივი, კერძო, საქმიანი, ტურისტული და ჰუმანიტარული მიზნებით, ასევე მოკლევადიანი სწავლისთვის.
ზახაროვას თქმით, საქართველოს მოქალაქეები, რომლებიც 90 დღეზე მეტი ვადით აპირებენ სწავლას რუსულ საგანმანათლებლო ორგანიზაციებში, ასევე მუშაობას, დროებით ან მუდმივად ცხოვრობას, ვალდებული არიან ქვეყანაში შევიდნენ და გამოვიდნენ ვიზებით.
გარდა ამისა, საგარეო უწყების სპიკერის თქმით, ამ დროისათვის საქართველოს მოქალაქეებისთვის უკვე მოქმედებს რუსეთში 72 საათით უვიზოდ შესვლის წესი, თუ ისინი ქვეყანაში საკრუიზო გემებით შედიან, რომლებსაც მგზავრების გადაყვანის ნებართვა აქვთ და საერთაშორისო მიმოსვლისთვის გახსნილი საზღვაო და სამდინარო პორტებით შედიან ქვეყანაში.
რუსეთმა საქართველოს მოქალაქეებისთვის სავიზო რეჟიმი 2000 წელს შემოიღო. რუსეთის მოქალაქეებს საქართველოში გასამგზავრებლად ვიზა არ სჭირდებათ. საქართველომ სავიზო რეჟიმი ცალმხრივად 2012 წლის დასაწყისში გააუქმა.
საქართველოსა და რუსეთს შორის საჰაერო მიმოსვლა მოსკოვმა 2019 წელს შეწყვიტა ცალმხრივად. ამის მიზეზი რუსი დეპუტატის სერგეი გავრილოვის საქართველოს პარლამენტის შენობაში გამოჩენასთან დაკავშირებული მასობრივი საპროტესტო აქციები გახდა.
საქართველოსა და რუსეთს შორის დიპლომატიური ურთიერთობები არ არსებობს, ისინი ქართულმა მხარემ 2008 წლის აგვისტოს კონფლიქტის შემდეგ გაწყვიტა, როდესაც მოსკოვმა აფხაზეთისა და ცხინვალის რეგიონის დამოუკიდებლობა აღიარა.
