https://sputnik-georgia.com/20230510/fishingi-erovnuli-banki-mosaxleobas-aprtxilebs-277550238.html
ფიშინგი: ეროვნული ბანკი მოსახლეობას აფრთხილებს
ფიშინგი: ეროვნული ბანკი მოსახლეობას აფრთხილებს
Sputnik საქართველო
ეროვნული ბანკი მოუწოდებს მომხმარებლებს, გადაამოწმონ და კარგად დააკვირდნენ ვებ-გვერდის მისამართს, სადაც შეჰყავთ პერსონალური მონაცემების შესახებ ინფორმაცია. 10.05.2023-ს, Sputnik საქართველო
2023-05-10T19:42+0400
2023-05-10T19:42+0400
2023-05-10T22:46+0400
საქართველო
შემთხვევები საქართველოში
საქართველოს ეროვნული ბანკი
საზოგადოება
ახალი ამბები
https://cdnn1.img.sputnik-georgia.com/img/07e6/0b/01/271830304_918:800:2626:1761_1920x0_80_0_0_f38238ee445ff36b3967e3e1523dcdc3.jpg
თბილისი, 10 მაისი — Sputnik. საქართველოს ეროვნული ბანკი კიდევ ერთხელ მოუწოდებს მოქალაქეებს, განსაკუთრებული ყურადღება და სიფრთხილე გამოიჩინონ ინტერნეტ-სივრცეში ფინანსური და პირადი მონაცემების მითითებისას.როგორც ეროვნული ბანკის განცხადებაშია აღნიშნული, ბოლო პერიოდში ინტერნეტ-სივრცეში გახშირდა მომხმარებლებისთვის ერთი შეხედვით ხელსაყრელი ფინანსური შეთავაზებები, რომლებიც რეალურად შეიცავენ ე.წ. ფიშინგის ნიშნებს. უფრო კონკრეტულად, ვრცელდება ისეთი სახის სარეკლამო შეთავაზებები, რომელთა ინტერნეტ-ბმულები მიმსგავსებულია რეალური ვებ-გვერდების მისამართებს.ამასთან, რამდენიმე შემთხვევაში გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. მათ შორის მომხმარებლებს ამ შეთავაზებების სხვა პირებთან გავრცელებისკენ უბიძგებდნენ.ეროვნული ბანკი მოუწოდებს მომხმარებლებს, პირველ ყოვლისა, გადაამოწმონ და კარგად დააკვირდნენ ვებ-გვერდის მისამართს, სადაც შეჰყავთ ინფორმაცია, მოიძიონ აღნიშნული კომპანიის სანდოობისა და საქმიანობის შესახებ მონაცემები, ხოლო თუ კომპანია ერთი შეხედვით სანდო და ნაცნობია, გადაამოწმონ მათთან შემოთავაზების ნამდვილობა.ზემოთ აღწერილი ფორმით ინფორმაციის თაღლითური გზით მოპოვების სქემას ფიშინგი ეწოდება.ფიშინგის დროს ინტერნეტ-სივრცეში გავრცელებული სარეკლამო შეტყობინების ან ელექტრონული მეილის საშუალებით მიღებული ბმულით მომხმარებელი ყალბ ვებ-გვერდზე შედის/გადადის, სადაც პერსონალური ინფორმაციის გამჟღავნება კიბერთაღლითების მიერ ფინანსური ოპერაციების თაღლითური გზით განხორციელების რისკს ზრდის.დამატებითი შეკითხვების შემთხვევაში მომხმარებელს შეუძლია დარეკოს „ცხელ ხაზზე" – 2 406 406.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, შემთხვევები საქართველოში, საქართველოს ეროვნული ბანკი , საზოგადოება, ახალი ამბები
საქართველო, შემთხვევები საქართველოში, საქართველოს ეროვნული ბანკი , საზოგადოება, ახალი ამბები
ფიშინგი: ეროვნული ბანკი მოსახლეობას აფრთხილებს
19:42 10.05.2023 (განახლებულია: 22:46 10.05.2023) ეროვნული ბანკი მოუწოდებს მომხმარებლებს, გადაამოწმონ და კარგად დააკვირდნენ ვებ-გვერდის მისამართს, სადაც შეჰყავთ პერსონალური მონაცემების შესახებ ინფორმაცია.
თბილისი, 10 მაისი — Sputnik. საქართველოს ეროვნული ბანკი კიდევ ერთხელ მოუწოდებს მოქალაქეებს, განსაკუთრებული ყურადღება და სიფრთხილე გამოიჩინონ ინტერნეტ-სივრცეში ფინანსური და პირადი მონაცემების მითითებისას.
როგორც ეროვნული ბანკის განცხადებაშია აღნიშნული, ბოლო პერიოდში ინტერნეტ-სივრცეში გახშირდა მომხმარებლებისთვის ერთი შეხედვით ხელსაყრელი ფინანსური შეთავაზებები, რომლებიც რეალურად შეიცავენ ე.წ. ფიშინგის ნიშნებს. უფრო კონკრეტულად, ვრცელდება ისეთი სახის სარეკლამო შეთავაზებები, რომელთა ინტერნეტ-ბმულები მიმსგავსებულია რეალური ვებ-გვერდების მისამართებს.
ამასთან, რამდენიმე შემთხვევაში გათამაშების შესახებ ინფორმაცია საქართველოს ეროვნული ბანკის სახელითაც გავრცელდა. მათ შორის მომხმარებლებს ამ შეთავაზებების სხვა პირებთან გავრცელებისკენ უბიძგებდნენ.
„ხაზგასმით აღვნიშნავთ, რომ ეროვნული ბანკი არანაირი მსგავსი სახის ონლაინ-გათამაშების ორგანიზებას არ ახდენს. გასათვალისწინებელია, რომ პირადი ინფორმაციისა თუ მონაცემების გამჟღავნების შემთხვევაში არსებობს ამ ინფორმაციის მოპოვებით დაინტერესებული პირების მიერ სხვადასხვა თაღლითური ოპერაციის განხორციელების რისკი“, – აღნიშნულია განცხადებაში.
ეროვნული ბანკი მოუწოდებს მომხმარებლებს, პირველ ყოვლისა, გადაამოწმონ და კარგად დააკვირდნენ ვებ-გვერდის მისამართს, სადაც შეჰყავთ ინფორმაცია, მოიძიონ აღნიშნული კომპანიის სანდოობისა და საქმიანობის შესახებ მონაცემები, ხოლო თუ კომპანია ერთი შეხედვით სანდო და ნაცნობია, გადაამოწმონ მათთან შემოთავაზების ნამდვილობა.
ზემოთ აღწერილი ფორმით ინფორმაციის თაღლითური გზით მოპოვების სქემას ფიშინგი ეწოდება.
ფიშინგი წარმოადგენს კიბერდანაშაულს, რომლის დროსაც კონკრეტულ პირს ან ორგანიზაციას კიბერთაღლითის მიერ ეგზავნება შეტყობინება ელექტრონული ფოსტით, ტელეფონით, სოციალური ქსელით იმისთვის, რათა მომხმარებელს მოტყუების გზით პირადი მონაცემები გამოსძალოს.
ფიშინგის დროს ინტერნეტ-სივრცეში გავრცელებული სარეკლამო შეტყობინების ან ელექტრონული მეილის საშუალებით მიღებული ბმულით მომხმარებელი ყალბ ვებ-გვერდზე შედის/გადადის, სადაც პერსონალური ინფორმაციის გამჟღავნება კიბერთაღლითების მიერ ფინანსური ოპერაციების თაღლითური გზით განხორციელების რისკს ზრდის.
დამატებითი შეკითხვების შემთხვევაში მომხმარებელს შეუძლია დარეკოს „ცხელ ხაზზე" – 2 406 406.
