მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აქვს 24 თვალი და კუბისებრი სხეული: აღმოჩენილია ახალი სახეობის შხამიანი მედუზა - ვიდეო

© AP Photo / NOAA Office of Ocean Exploration and Research
  - Sputnik საქართველო, 1920, 27.04.2023
გამოწერა
თბილისი, 27 აპრილი − Sputnik. ჰონკონგის ბაპტისტური უნივერსიტეტის მეცნიერებმა მეი პოს ნაკრძალში შხამიანი კუბომედუზების ახალი ქვესახეობა აღმოაჩინეს, იუწყება Mirror.
გამოცემის ცნობით, ეს ჰონკონგსა და ჩინეთში ნაპოვნი პირველი კუბომედუზებია, თუმცა მათი მსგავსი სახეობები მანამდე იამაიკაზე, ფლორიდაში, ავსტრალიასა და ინდოეთში აღმოაჩინეს.
როგორც ირკვევა, ეს მინიატურული მედუზები დაახლოებით 1,5 სმ სიგრძის არიან და გამჭვირვალე კუბის ფორმის სხეული აქვთ. თითოეულ კუთხეში 10 სმ სიგრძის სამ-სამი საცეცი აქვთ, რომელთა დაბოლოებებიც ნიჩბებს წააგავს. სწორედ ამის წყალობით მოძრაობენ ისინი სხვა სახეობის მედუზებზე უფრო სწრაფად.
ამასთან კუბომედუზებს 24 თვალი აქვთ, რომლებიც ექვს-ექვსადაა გადანაწილებული მათი სხეულის ოთხსავე მხარეს. როგორც მეცნიერები ამბობენ, თითოეულ ჯგუფში მხოლოდ ორ თვალს აქვს ლინზები, რაც გამოსახულების ფორმირების საშუალებას იძლევა, ხოლო დანარჩენი ოთხი მხოლოდ სინათლეს აღიქვამს.
როგორც მეცნიერები ირწმუნებიან, კუბომედუზების ახალი სახეობის აღმოჩენა იმაზე მეტყველებს, რომ ჩინეთისა და ჰონკონგის სანაპირო წლებში ზღვის სხვა უცნობი ბინადრების პოვნაც არის შესაძლებელი.
ყველა ახალი ამბავი
0