კომპანია Mattel-მა დაუნის სინდრომიანი ბარბი გამოუშვა: ფოტო-ვიდეო
11:21 26.04.2023 (განახლებულია: 15:51 20.07.2023)
გამოწერა
თბილისი, 26 აპრილი − Sputnik. თოჯინა ბარბის მწარმოებელმა კომპანია Mattel-მა ახალი თოჯინა წარმოადგინა, რომელიც დაუნის სინდრომის მქონე გოგონას გამოსახავს, იუწყება CBC News.
თოჯინას აცვია ლურჯ-ყვითელ ყვავილებიანი და პეპლებიანი კაბა. ეს ფერები დაუნის სინდრომის შესახებ საზოგადოების ინფორმირებულობის სიმბოლოა. მას ასევე უკეთია გულსაკიდი სამი ისრით, როლებიც 21-ე ქრომოსომის სამ ასლს წარმოადგენს.
Barbie doll with Down’s syndrome launched by Mattel https://t.co/hoI4gESsLt
— The Guardian (@guardian) April 25, 2023
გარდა ამისა, თოჯინას ასევე მოჰყვება ტერფის ორთოპედიული ღაბაშები, რომლებსაც დაუნის სინდრომის მქონე ბევრი ბავშვი იყენებს ფეხის სამაგრად.
გავრცელებული ინფორმაციით, თოჯინა დაუნის სინდრომის ეროვნულ საზოგადოებასთან (NDSS) მჭიდრო თანამშრომლობით შეიქმნა. როგორც Mattel-ის ვიცე-პრეზიდენტმა აღნიშნა პრეზენტაციაზე, ახალი თოჯინის შექმნის მიზანი თამაშის ფორმით დაუნის სინდრომის სოციალურ სტიგმატიზაციასთან ბრძოლაა.
"She is perfect like me and I'm perfect like her," model Ellie Goldstein says of the first ever @Barbie doll with Down’s syndrome. Ellie appears in the campaign with the new Barbie encouraging more children to find a doll that represents them. 👱♀️ pic.twitter.com/msDRZlQMEx
— Belfast Telegraph (@BelTel) April 25, 2023
მანამდე კომპანია Mattel არაერთხელ დაადანაშაულეს იმაში, რომ მისი მთავარი პროდუქტი — თოჯინა ბარბი ბავშვებს რეალობისგან დაშორებულ წარმოდგენებს უყალიბებს მომხიბლავი გარეგნობის შესახებ. Mattel-მა ბოლო წლებში არა მხოლოდ შეცვალა ბარბის პარამეტრები, რითაც ის უფრო რეალისტური გახადა, არამედ ინვალიდის სავარძლით მოსარგებლე, ფეხის პროთეზიანი და ვიტილიგოიანი თოჯინებიც დაამზადა.
წყარო: CBC News
