ფეხებს ოპერაციით სულ უფრო მეტი მამაკაცი იგრძელებს: ფოტოფაქტი
17:17 25.04.2023 (განახლებულია: 10:47 17.08.2023)
© Pixabay / StockSnap
გამოწერა
თბილისი, 25 აპრილი – Sputnik. ექიმების თქმით, შეერთებულ შტატებში მამაკაცთა შორის სულ უფრო პოპულარული ხდება ოპერაცია, რომლის მეშვეობითაც კიდურების დაგრძელებაა შესაძლებელი, წერს გამოცემა Sky News.
კიდურების დაგრძელების ოპერაცია — ეს არის პროცედურა, რომლის დროსაც ხელების ან ფეხების ძვლები გრძელდება. ის ასევე გამოიყენება ჩონჩხის დისპლაზიის სამკურნალოდ, ძვლების ზრდის პრობლემების აღმოსაფხვრელად და სხვადასხვა სიგრძის ძვლების გასათანაბრებლად.
როგორც კალიფორნიელი ქირურგი შაჰაბ მაჰბუბიანი აცხადებს, ბოლო ხუთ წელიწადში საგრძნობლად იმატა იმ მამაკაცთა რიცხვმა, რომლებსაც ამ გზით სიმაღლეში გაზრდა სურთ.
@PFTCommenter while you’re in LA, id recommend checking out Dr. Shahab Mahboubian. He has an excellent medical therapy for those who aren’t so genetically blessed as others. pic.twitter.com/HHunRoPiTk
— DJ Anderson (@super_duper_dj) February 10, 2022
რაოდენ უცნაურადაც უნდა ჟღერდეს, მათ შორის არიან 60-65 წლის მამაკაცებიც, რომლებსაც „ჯუჯებზე“ ხუმრობები მობეზრდათ და სურთ არასრულფასოვნების კომპლექსი დაძლიონ.
ქირურგის თქმით, წელს მას 50 მსგავსი ოპერაცია აქვს დაგეგმილი, რაც ორჯერ მეტია სამი წლის წინანდელ მაჩვენებელზე.
როგორც ირკვევა, ოპერაცია ოთხსაათიანია და 75 ათასი დოლარი ღირს. ამ დროს თითოეული ფეხის ბარძაყის ძვლები იჭრება და მათ შიგნით სპეციალური ორთოპედიული ღერძები მაგრდება, რომლებიც მომდევნო 3-4 თვის განმავლობაში დღეში თითო მილიმეტრით გრძელდება დისტანციური მართვის პულტის მეშვეობით.
The number of short men having agonizing surgeries to add a few inches to their height is surging in the US, a surgeon claims.Dr Shahab Mahboubian told NBC News he is performing twice as many leg-lengthening surgeries - which cost between $75,000 tohttps://t.co/Dqm2G2jD3j pic.twitter.com/OMtowzziT3
— Vale50plus (@vale50plus) April 24, 2023
დროთა განმავლობაში ღეროების გარშემო ახალი ძვლები ყალიბდება, რის შემდეგაც მათ ისევ ქირურგიული გზით იღებენ კიდურებიდან. სპეციალისტების თქმით, პროცესის დასრულებას, როგორც წესი, რამდენიმე თვე სჭირდება.
აღსანიშნავია, რომ ძვლების დამაგრძელებელი ღერძების სამართავი პულტი თავად პაციენტებს გადაეცემა, რომელთაც დეტალურად უხსნიან, როგორ უნდა გამოიყენონ მოწყობილობა.
წყარო: Sky News
