პრეზიდენტის არჩევნები აშშ-ში: ბაიდენმა გადაწყვეტილება მიიღო
15:24 25.04.2023 (განახლებულია: 15:51 20.07.2023)
© photo: Sputnik / Stringer
/ გამოწერა
თბილისი, 25 აპრილი − Sputnik. აშშ-ის მოქმედი პრეზიდენტი ჯო ბაიდენი 2024 წლის საპრეზიდენტო არჩევნებში მიიღებს მონაწილეობას, რის თაობაზეც ოფიციალური განცხადება გააკეთა.
საკუთარი გადაწყვეტილების თაობაზე ბაიდენმა Twitter-აკაუნტზე დაწერა.
„თითოეულ თაობას აქვს მომენტი, როდესაც მათ დემოკრატიისთვის ბრძოლა უწევთ. ძირითადი თავისუფლებების დასაცავად. მჯერა, რომ ჩვენი დრო დადგა. ამიტომ ვიყრი კენჭს შეერთებული შტატების პრეზიდენტის პოსტზე. შემოგვიერთდით. მოდით, დავასრულოთ საქმე“, — ნათქვამია ბაიდენის ტვიტში.
როგორც პრეზიდენტის ვიდეომიმართვაშია ნათქვამი, ამერიკელებმა უნდა განაგრძონ ბრძოლა „ამერიკის სულისთვის“ და გადაჭრან მათ წინაშე მდგარი ამოცანა – ექნებათ მეტი თუ ნაკლები თავისუფლება და უფლებები.
Every generation has a moment where they have had to stand up for democracy. To stand up for their fundamental freedoms. I believe this is ours.
— Joe Biden (@JoeBiden) April 25, 2023
That’s why I’m running for reelection as President of the United States. Join us. Let’s finish the job. https://t.co/V9Mzpw8Sqy pic.twitter.com/Y4NXR6B8ly
„ახლა შერიგების გამოვლენის დრო არ არის. აი, ამიტომაც ვიბრძოლებ ხელახალი არჩევისთვის“, — ამბობს ჯო ბაიდენი.
მოქმედი პრეზიდენტი, რომელიც 2024 წლის არჩევნებისთვის უკვე 86 წლის იქნება, ფსონს პირველი ვადის საკანონმდებლო მიღწევებსა და 50-ზე მეტი წლის სამუშაო გამოცდილებაზე დებს, რასაც „მის ასაკზე უფრო მეტი მნიშვნელობა აქვს“.
ჯო ბაიდენმა საპრეზიდენტო არჩევნებში მონაწილეობის შესახებ განცხადება ზუსტად იმ დღეს გააკეთა, რა დღესაც 2019 წელს, როდესაც პირველად გამოთქვა სურვილი, გამხდარიყო თეთრი სახლის მასპინძელი.
აღსანიშნავია, რომ ბაიდენს დემოკრატიულ პარტიაში სერიოზული კონკურენტი არ ჰყავს, რესპუბლიკელების ფავორიტი კი 76 წლის დონალდ ტრამპია, რომელიც პოსტზე სწორედ ბაიდენმა ჩაანაცვლა 2020 წელს.
