https://sputnik-georgia.com/20230419/foemula-kezerasvilis-fulis-garese-ver-gadarceba-raqviasvili-276886540.html
„ფორმულა“ კეზერაშვილის ფულის გარეშე ვერ გადარჩება - რაქვიაშვილი
„ფორმულა“ კეზერაშვილის ფულის გარეშე ვერ გადარჩება - რაქვიაშვილი
Sputnik საქართველო
საქართველოს თავდაცვის ყოფილმა მინისტრმა, რომელიც BBC-ს ჟურნალისტური გამოძიების ფიგურანტია, გადაწყვიტა დათმოს ტელეკომპანია „ფორმულის“ საკონტროლო პაკეტი. 19.04.2023-ს, Sputnik საქართველო
2023-04-19T20:23+0400
2023-04-19T20:23+0400
2023-04-19T22:37+0400
ახალი ამბები
საქართველო
პოლიტიკა საქართველოში
გახმაურებული სასამართლო პროცესები
https://cdnn1.img.sputnik-georgia.com/img/07e5/09/10/259634946_0:133:1280:853_1920x0_80_0_0_dc30722ed4895e95854342ae256b8d36.jpg
თბილისი, 19 აპრილი – Sputnik. ოპოზიციურმა ტელეკომპანია „ფორმულამ“ შესაძლოა მაუწყებლობა შეწყვიტოს, თუ მას თავდაცვის ექს-მინისტრი დავით კეზერაშვილი არ დააფინანსებს, განაცხადა ოპოზიციური პარტია „გირჩის“ დეპუტატმა ალექსანდრე რაქვიაშვილმა.საქართველოს თავდაცვის ყოფილმა მინისტრმა დავით კეზერაშვილმა „ფორმულაში" წილის ნახევარი კოლექტივს გადასცა და, შესაბამისად, საკონტროლო პაკეტზე უარი თქვა. კეზერაშვილმა ეს გადაწყვეტილება მიიღო სკანდალის ფონზე, რომელიც ВВС-ს ჟურნალისტური გამოძიების შედეგების გამოქვეყნებას მოჰყვა. ВВС აცხადებს, რომ საერთაშორისო თაღლითური სქემის, ე.წ. ქოლ-ცენტრების უკან კეზერაშვილი დგას. თაღლითები ტელეფონით უკავშირდებოდნენ მოქალაქეებს და შემოსავლის იოლად მიღების გზებს სთავაზობდნენ, საბოლოო ჯამში კი მათ საკრედიტო ბარათების მონაცემებს ართმევდნენ და ძარცვავდნენ. საუბარია დაახლოებით ერთი მილიარდი დოლარის მითვისებაზე. ВВС-ს ფილმში კეზერაშვილს „ქოლ-ცენტრების“ დამფუძნებლად მოიხსენიებენ და მას ახსენებენ, როგორც „მისტერ ოფშორს“.ოპოზიციონერმა პოლიტიკოსმა ასევე არ გამორიცხა, რომ ამის გამო „ფორმულა“ რომელიმე ტელევიზიასთან გაერთიანდეს, ან საერთოდ შეწყვიტოს არსებობა.„ეს ისეთი ფორმალობაა, რომელსაც ჯერ შინაარსი არ აქვს, მაგრამ დრო გვაჩვენებს ნამდვილად წავიდა კეზერაშვილი თუ უბრალოდ რაღაც ტექნიკური ხრიკი გამოიყენა“, – აღნიშნა რაქვიაშვილმა.„ფორმულა“ ერთ-ერთია სამი ახალი ტელეკომპანიიდან, რომლებიც ქვეყნის ხელისუფლებას მკაცრად აკრიტიკებენ. მმართველი პარტია მათ „ნაცმოძრაობის“ პრეს-სამსახურს უწოდებს. მმართველ პარტია „ქართულ ოცნებაში“ დიდი ხანია აცხადებენ, რომ „ერთიან ნაციონალურ მოძრაობას“ კეზერაშვილი აფინანსებს და ის ოლიგარქია.ტელეარხი „ფორმულა“ ხუთი ადამიანის საკუთრებაა. დღემდე კეზერაშვილის წილი 51%-ს შეადგენდა. მიხეილ მშვილდაძეს, ირაკლი საგინაძეს, ზურაბ გუმბარიძეს და გიორგი ლიფონავას თითოეულს 12,25% აქვთ. თავისი წილის ნაწილზე უარის მიუხედავად, ცნობილია, რომ კეზერაშვილი მომავალშიც აპირებს გააგრძელოს ტელეარხის ფინანსური დახმარება.სკანდალური გამოძიებაBBC-ს ჟურნალისტური გამოძიება მოიცავს ინტერვიუებს დანაშაულებრივი სქემის არაერთ მსხვერპლთან და იმ კომპანიების ყოფილ თანამშრომლებთან, რომლებიც თაღლითობით იყვნენ დაკავებული ქოლ-ცენტრების მეშვეობით. ბრიტანული მაუწყებელი ამტკიცებს, რომ ფლობს პენსიონერთან ქოლ-ცენტრის თანამშრომლის საუბრის აუდიოჩანაწერს, რომელიც დასათაურებულია როგორც „უილიამი შვედეთი მოტყუებულია“. კომპანია ამ აუდიოჩანაწერს დღემდე იყენებს ახალი თანამშრომლების ტრენინგებზე.BBC-ს ცნობით, თაღლითურ სქემაში ფიგურირებს 152 კომპანია, მათ შორის საქართველოში მოქმედი კრიპტოვალუტით მოვაჭრე ფირმა Solo Capitals, რომლებიც, სავარაუდოდ, საერთაშორისო დანაშაულებრივი ქსელის ნაწილია. ეს ქსელი პოლიციისთვის ცნობილია, როგორც „მილტონის ჯგუფი“.ამ ჯგუფის ერთ-ერთი საინვესტიციო კომპანია ესპანურ ფეხბურთის კლუბსაც კი აფინანსებდა და რეკლამებს აქვეყნებდა დიდ გაზეთებში, რითაც პოტენციური ინვესტორების ნდობას მოიპოვებდა.კეზერაშვილმა „ფორმულას“ წილის ნახევარი ტელევიზიის კოლექტივს გადასცა >>BBC-ს მონაცემებით, იმ კომპანიებს შორის კავშირების კვლევისას, რომლებიც, სავარაუდოდ, ქოლ-ცენტრების მეშვეობით თაღლითობით იყვნენ დაკავებული, მუდმივად ფიგურირებდა ხუთი სახელი – დავით თოდუა, რატი ჭელიძე, გურამ გოგეშვილი, იოსებ მგელაძე და მაიკლ ბენიმინი. ისინი მითითებული იყვნენ სავაჭრო პლატფორმა „მილტონის ჯგუფის“ ან ტექნოლოგიური კომპანიების მხარდამჭერი დირექტორების სახით.„პანამის დოკუმენტების“ თანახმად (კონფიდენციალური დოკუმენტების გაჟონვა ახლანდელი და ყოფილი მსოფლიო ლიდერების ფარული საკუთრების არსებობის შესახებ), ჭელიძე, გოგეშვილი, მგელაძე და ბენიმინი არიან დირექტორები ან მაღალი თანამდებობის პირები ოფშორულ კომპანიებში ან შვილობილ კომპანიებში, რომლებიც „მილტონის ჯგუფში“ შედიან.BBC ამტკიცებს, რომ ეს კომპანიები „მილტონის ჯგუფამდე“ არსებობდნენ და მათ კვალს კეზერაშვილამდე მივყავართ.იქვე ნათქვამია, რომ არ არსებობს იმის მტკიცებულება, რომ კეზერაშვილს რამე სახის პირდაპირი ფინანსური ინტერესი აქვს „მილტონის ჯგუფის“ მიმართ. მაგრამ ამ ჯგუფთან დაკავშირებული კომპანიების რამდენიმე ყოფილმა თანამშრომელმა განაცხადა, რომ მათ პირდაპირი ურთიერთობა ჰქონდათ კეზერაშვილთან და მათ იცოდნენ, რომ მას ჯგუფთან კავშირი აქვს.გარდა ამისა, კეზერაშვილის კუთვნილმა რამდენიმე კომპანიამ გამოიყენა კერძო საფოსტო სერვერი, რომლითაც მხოლოდ „მილტონის ჯგუფი“ სარგებლობდა. მისი ვენჩურული ფირმა Infinity VC ფლობდა კომპანიების ბრენდინგსა და ვებ-დომენებს, რომლებიც თაღლითებს სავაჭრო პლატფორმების ტექნოლოგიებს აწვდიდნენ.კეზერაშვილი ტელეკომპანია „ფორმულას" სისხლიანი ფულით აფინანსებს - კობახიძე >>კეზერაშვილი ასევე ფლობს საოფისე შენობას კიევში, რომელშიც განთავსებული იყო როგორც თაღლითური ქოლ-ცენტრი EverFX, ისე ტექნიკური ფირმები, რომლებიც პროგრამულ უზრუნველყოფას აწვდიდნენ. აქ პოლიციამ ჩხრეკა 2022 წლის ნოემბერში ჩაატარა.უფრო მეტიც, კეზერაშვილი სოციალურ ქსელებში თავის პირად აკაუნტებში ხშირად უწევდა რეკლამას თაღლითურ სავაჭრო პლატფორმებს.თავად კეზერაშვილი უარყოფს მონაწილეობას საერთაშორისო თაღლითურ სქემაში, რომელზეც BBC-ს ჟურნალისტურ გამოძიებაშია საუბარი.მისი თქმით, ე.წ. ქოლ-ცენტრებთან დაკავშირებული ბრალდება არის საქართველოს ხელისუფლების მიერ მის წინააღმდეგ 2012 წლის შემდეგ წარმოებული ცილისმწამებლური კამპანიის ნაწილი.ვინ არის კეზერაშვილიდავით კეზერაშვილი 2006-2008 წლებში, მიხეილ სააკაშვილის პრეზიდენტობის დროს საქართველოს თავდაცვის მინისტრი იყო. საქართველოში ხელისუფლების შეცვლის შემდეგ (2012) მან ქვეყანა დატოვა.2021 წელს კეზერაშვილი უზენაესმა სასამართლომ დამნაშავედ ცნო 5 მილიონი ევროს გაფლანგვის საქმეზე (ე.წ. წვრთნების საქმე) და დაუსწრებლად პატიმრობა შეუფარდა. მანამდე ორი ინსტანციის სასამართლომ ის გაამართლა. მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა საქართველოში, გახმაურებული სასამართლო პროცესები
ახალი ამბები, საქართველო, პოლიტიკა საქართველოში, გახმაურებული სასამართლო პროცესები
„ფორმულა“ კეზერაშვილის ფულის გარეშე ვერ გადარჩება - რაქვიაშვილი
20:23 19.04.2023 (განახლებულია: 22:37 19.04.2023) საქართველოს თავდაცვის ყოფილმა მინისტრმა, რომელიც BBC-ს ჟურნალისტური გამოძიების ფიგურანტია, გადაწყვიტა დათმოს ტელეკომპანია „ფორმულის“ საკონტროლო პაკეტი.
თბილისი, 19 აპრილი – Sputnik. ოპოზიციურმა ტელეკომპანია „ფორმულამ“ შესაძლოა მაუწყებლობა შეწყვიტოს, თუ მას თავდაცვის ექს-მინისტრი დავით კეზერაშვილი არ დააფინანსებს, განაცხადა ოპოზიციური პარტია „გირჩის“ დეპუტატმა ალექსანდრე რაქვიაშვილმა.
საქართველოს თავდაცვის ყოფილმა მინისტრმა დავით კეზერაშვილმა „ფორმულაში" წილის ნახევარი კოლექტივს გადასცა და, შესაბამისად, საკონტროლო პაკეტზე უარი თქვა. კეზერაშვილმა ეს გადაწყვეტილება მიიღო სკანდალის ფონზე, რომელიც ВВС-ს ჟურნალისტური გამოძიების შედეგების გამოქვეყნებას მოჰყვა. ВВС აცხადებს, რომ საერთაშორისო თაღლითური სქემის, ე.წ. ქოლ-ცენტრების უკან კეზერაშვილი დგას. თაღლითები ტელეფონით უკავშირდებოდნენ მოქალაქეებს და შემოსავლის იოლად მიღების გზებს სთავაზობდნენ, საბოლოო ჯამში კი მათ საკრედიტო ბარათების მონაცემებს ართმევდნენ და ძარცვავდნენ. საუბარია დაახლოებით ერთი მილიარდი დოლარის მითვისებაზე. ВВС-ს ფილმში კეზერაშვილს „ქოლ-ცენტრების“ დამფუძნებლად მოიხსენიებენ და მას ახსენებენ, როგორც „მისტერ ოფშორს“.
„თუ კეზერაშვილი ტელეკომპანია „ფორმულის“ დაფინანსებას გააგრძელებს, სინამდვილეში არაფერი შეიცვლება, მაგრამ თუ ჩამოშორდება, არ მგონია, რომ ტელეკომპანია გადარჩეს, რადგან ეს ბიზნესი ჩვენს ქვეყანაში დიდწილად ზარალზე მუშაობს“, – განუცხადა რაქვიაშვილმა ჟურნალისტებს.
ოპოზიციონერმა პოლიტიკოსმა ასევე არ გამორიცხა, რომ ამის გამო „ფორმულა“ რომელიმე ტელევიზიასთან გაერთიანდეს, ან საერთოდ შეწყვიტოს არსებობა.
„ეს ისეთი ფორმალობაა, რომელსაც ჯერ შინაარსი არ აქვს, მაგრამ დრო გვაჩვენებს ნამდვილად წავიდა კეზერაშვილი თუ უბრალოდ რაღაც ტექნიკური ხრიკი გამოიყენა“, – აღნიშნა რაქვიაშვილმა.
„ფორმულა“ ერთ-ერთია სამი ახალი ტელეკომპანიიდან, რომლებიც ქვეყნის ხელისუფლებას მკაცრად აკრიტიკებენ. მმართველი პარტია მათ „ნაცმოძრაობის“ პრეს-სამსახურს უწოდებს. მმართველ პარტია „ქართულ ოცნებაში“ დიდი ხანია აცხადებენ, რომ „ერთიან ნაციონალურ მოძრაობას“ კეზერაშვილი აფინანსებს და ის ოლიგარქია.
ტელეარხი „ფორმულა“ ხუთი ადამიანის საკუთრებაა. დღემდე კეზერაშვილის წილი 51%-ს შეადგენდა. მიხეილ მშვილდაძეს, ირაკლი საგინაძეს, ზურაბ გუმბარიძეს და გიორგი ლიფონავას თითოეულს 12,25% აქვთ. თავისი წილის ნაწილზე უარის მიუხედავად, ცნობილია, რომ კეზერაშვილი მომავალშიც აპირებს გააგრძელოს ტელეარხის ფინანსური დახმარება.
BBC-ს ჟურნალისტური გამოძიება მოიცავს ინტერვიუებს დანაშაულებრივი სქემის არაერთ მსხვერპლთან და იმ კომპანიების ყოფილ თანამშრომლებთან, რომლებიც თაღლითობით იყვნენ დაკავებული ქოლ-ცენტრების მეშვეობით. ბრიტანული მაუწყებელი ამტკიცებს, რომ ფლობს პენსიონერთან ქოლ-ცენტრის თანამშრომლის საუბრის აუდიოჩანაწერს, რომელიც დასათაურებულია როგორც „უილიამი შვედეთი მოტყუებულია“. კომპანია ამ აუდიოჩანაწერს დღემდე იყენებს ახალი თანამშრომლების ტრენინგებზე.
BBC-ს ცნობით, თაღლითურ სქემაში ფიგურირებს 152 კომპანია, მათ შორის საქართველოში მოქმედი კრიპტოვალუტით მოვაჭრე ფირმა Solo Capitals, რომლებიც, სავარაუდოდ, საერთაშორისო დანაშაულებრივი ქსელის ნაწილია. ეს ქსელი პოლიციისთვის ცნობილია, როგორც „მილტონის ჯგუფი“.
ამ ჯგუფის ერთ-ერთი საინვესტიციო კომპანია ესპანურ ფეხბურთის კლუბსაც კი აფინანსებდა და რეკლამებს აქვეყნებდა დიდ გაზეთებში, რითაც პოტენციური ინვესტორების ნდობას მოიპოვებდა.
BBC-ს მონაცემებით, იმ კომპანიებს შორის კავშირების კვლევისას, რომლებიც, სავარაუდოდ, ქოლ-ცენტრების მეშვეობით თაღლითობით იყვნენ დაკავებული, მუდმივად ფიგურირებდა ხუთი სახელი – დავით თოდუა, რატი ჭელიძე, გურამ გოგეშვილი, იოსებ მგელაძე და მაიკლ ბენიმინი. ისინი მითითებული იყვნენ სავაჭრო პლატფორმა „მილტონის ჯგუფის“ ან ტექნოლოგიური კომპანიების მხარდამჭერი დირექტორების სახით.
„პანამის დოკუმენტების“ თანახმად (კონფიდენციალური დოკუმენტების გაჟონვა ახლანდელი და ყოფილი მსოფლიო ლიდერების ფარული საკუთრების არსებობის შესახებ), ჭელიძე, გოგეშვილი, მგელაძე და ბენიმინი არიან დირექტორები ან მაღალი თანამდებობის პირები ოფშორულ კომპანიებში ან შვილობილ კომპანიებში, რომლებიც „მილტონის ჯგუფში“ შედიან.
BBC ამტკიცებს, რომ ეს კომპანიები „მილტონის ჯგუფამდე“ არსებობდნენ და მათ კვალს კეზერაშვილამდე მივყავართ.
იქვე ნათქვამია, რომ არ არსებობს იმის მტკიცებულება, რომ კეზერაშვილს რამე სახის პირდაპირი ფინანსური ინტერესი აქვს „მილტონის ჯგუფის“ მიმართ. მაგრამ ამ ჯგუფთან დაკავშირებული კომპანიების რამდენიმე ყოფილმა თანამშრომელმა განაცხადა, რომ მათ პირდაპირი ურთიერთობა ჰქონდათ კეზერაშვილთან და მათ იცოდნენ, რომ მას ჯგუფთან კავშირი აქვს.
გარდა ამისა, კეზერაშვილის კუთვნილმა რამდენიმე კომპანიამ გამოიყენა კერძო საფოსტო სერვერი, რომლითაც მხოლოდ „მილტონის ჯგუფი“ სარგებლობდა. მისი ვენჩურული ფირმა Infinity VC ფლობდა კომპანიების ბრენდინგსა და ვებ-დომენებს, რომლებიც თაღლითებს სავაჭრო პლატფორმების ტექნოლოგიებს აწვდიდნენ.
კეზერაშვილი ასევე ფლობს საოფისე შენობას კიევში, რომელშიც განთავსებული იყო როგორც თაღლითური ქოლ-ცენტრი EverFX, ისე ტექნიკური ფირმები, რომლებიც პროგრამულ უზრუნველყოფას აწვდიდნენ. აქ პოლიციამ ჩხრეკა 2022 წლის ნოემბერში ჩაატარა.
უფრო მეტიც, კეზერაშვილი სოციალურ ქსელებში თავის პირად აკაუნტებში ხშირად უწევდა რეკლამას თაღლითურ სავაჭრო პლატფორმებს.
თავად კეზერაშვილი უარყოფს მონაწილეობას საერთაშორისო თაღლითურ სქემაში, რომელზეც BBC-ს ჟურნალისტურ გამოძიებაშია საუბარი.
მისი თქმით, ე.წ. ქოლ-ცენტრებთან დაკავშირებული ბრალდება არის საქართველოს ხელისუფლების მიერ მის წინააღმდეგ 2012 წლის შემდეგ წარმოებული ცილისმწამებლური კამპანიის ნაწილი.
დავით კეზერაშვილი 2006-2008 წლებში, მიხეილ სააკაშვილის პრეზიდენტობის დროს საქართველოს თავდაცვის მინისტრი იყო. საქართველოში ხელისუფლების შეცვლის შემდეგ (2012) მან ქვეყანა დატოვა.
2021 წელს კეზერაშვილი უზენაესმა სასამართლომ დამნაშავედ ცნო 5 მილიონი ევროს გაფლანგვის საქმეზე (ე.წ. წვრთნების საქმე) და დაუსწრებლად პატიმრობა შეუფარდა. მანამდე ორი ინსტანციის სასამართლომ ის გაამართლა. მის წინააღმდეგ განიხილება კიდევ ორი საქმე – 2007 წლის 7 ნოემბერს აქციის დარბევისა და ბიზნესმენებისთვის (მამა-შვილი თამაზ და ზურაბ ნიჟარაძეები) ქონების გამოძალვის საქმე.
