https://sputnik-georgia.com/20230415/pentagonis-saidumlo-masalebis-gajonva-jek-teiseira-276752138.html
პენტაგონის საიდუმლო მასალების გაჟონვა: ჯეკ ტეიშეირას ბრალი წაუყენეს
პენტაგონის საიდუმლო მასალების გაჟონვა: ჯეკ ტეიშეირას ბრალი წაუყენეს
Sputnik საქართველო
თბილისი, 15 აპრილი — Sputnik. პენტაგონის საიდუმლო დოკუმენტების გაჟონვაში ეჭვმიტანილ ჯეკ ტეიშეირას, რომელსაც ბრალად საიდუმლო მასალების უკანონო კოპირება და... 15.04.2023-ს, Sputnik საქართველო
2023-04-15T12:54+0400
2023-04-15T12:54+0400
2023-07-20T15:51+0400
მსოფლიო დღეს
პენტაგონის საიდუმლო მასალების გაჟონვა
აშშ
ახალი ამბები
მსოფლიოს ახალი ამბები
https://cdnn1.img.sputnik-georgia.com/img/24665/61/246656168_384:415:1634:1118_1920x0_80_0_0_1f9d80d1d2843780db75b29a69a9e560.jpg
თბილისი, 15 აპრილი — Sputnik. პენტაგონის საიდუმლო დოკუმენტების გაჟონვაში ეჭვმიტანილ ჯეკ ტეიშეირას, რომელსაც ბრალად საიდუმლო მასალების უკანონო კოპირება და გადაცემა ედება, ბოსტონის სასამართლომ ბრალი წაუყენა.გავრცელებული ინფორმაციით, ჯერჯერობით მას ბრალდება მხოლოდ ერთ დოკუმენტზე აქვს წარდგენილი, რომელთა რაოდენობაც შესაძლოა ასზე მეტი იყოს.მასაჩუსეტსის ეროვნული გვარდიის სამხედრო-საჰაერო ძალების 21 წლის ჯარისკაცს, რომელიც FBI-მ 13 აპრილს დააკავა, ჯაშუშობის შესახებ კანონის ორი მუხლით ედება ბრალი: ერთი მათგანი საიდუმლო თავდაცვითი მასალების უკანონო კოპირებასა და გადაცემას, მეორე კი თავდაცვითი მასალების არასანქცირებულ ადგილას უკანონო გადატანას გულისხობს.გავრცელებული ინფორმაციით, ტეიშეირას ბრალდება ჯერჯერობით მხოლოდ იმ დოკუმენტს უკავშირდება, რომელიც უკრაინაში ომის სტატუსს აღწერს და შეიცავს დეტალებს ჯარების გადაადგილების შესახებ.ექსპერტების თქმით, გამომძიებლები მის მიერ გამოქვეყნებულ თითოეულ დოკუმენტს ცალ-ცალკე შეისწავლიან.აღინიშნება, რომ ჯაშუშობის შესახებ ამერიკული კანონის ერთჯერადი დარღვევა ათ წლამდე თავისუფლების აღკვეთას ითვალისწინებს.როგორც მედია იტყობინება, სასამართლო მოსმენა ხანმოკლე იყო. ტეიშეირას ინტერესებს სახაზინო ადვოკატი იცავს. პროკურორის შუამდგომლობაზე, რომ ბრალდებული სასამართლო პროცესის დაწყებამდე საპატიმროში მოთავსდეს, სასამართლო ოთხშაბათს, 19 აპრილს იმსჯელებს.ჯეკ ტეიშეირა FBI-ს აგენტებმა „ექსცესების გარეშე“ დააკავეს მასაჩუსეტის შტატში, საკუთარ სახლში. ოჯახი ჟურნალისტებთან არანაირ კომენტარს არ აკეთებს.როგორც Reuters-ი წერს, ტეიშეირას მიერ Discord-ის ჩატში ატვირთული საიდუმლო მასალების რაოდენობა შესაძლოა რამდენიმე ასეულიც კი იყოს. ეს გაჟონვა ყველაზე სერიოზულად მიიჩნევა 2010 წლის ინციდენტის შემდეგ, როდესაც WikiLeaks-ის საიტზე 700 ათასზე მეტი დოკუმენტი, ვიდეო და დიპლომატიური დეპეშა გამოქვეყნდა.
აშშ
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
პენტაგონის საიდუმლო მასალების გაჟონვა, აშშ , ახალი ამბები, მსოფლიოს ახალი ამბები
პენტაგონის საიდუმლო მასალების გაჟონვა, აშშ , ახალი ამბები, მსოფლიოს ახალი ამბები
თბილისი, 15 აპრილი — Sputnik. პენტაგონის საიდუმლო დოკუმენტების გაჟონვაში ეჭვმიტანილ ჯეკ ტეიშეირას, რომელსაც ბრალად საიდუმლო მასალების უკანონო კოპირება და გადაცემა ედება, ბოსტონის სასამართლომ ბრალი წაუყენა.
გავრცელებული ინფორმაციით, ჯერჯერობით მას ბრალდება მხოლოდ ერთ დოკუმენტზე აქვს წარდგენილი, რომელთა რაოდენობაც შესაძლოა ასზე მეტი იყოს.
მასაჩუსეტსის ეროვნული გვარდიის სამხედრო-საჰაერო ძალების 21 წლის ჯარისკაცს, რომელიც FBI-მ 13 აპრილს დააკავა, ჯაშუშობის შესახებ კანონის ორი მუხლით ედება ბრალი: ერთი მათგანი საიდუმლო თავდაცვითი მასალების უკანონო კოპირებასა და გადაცემას, მეორე კი თავდაცვითი მასალების არასანქცირებულ ადგილას უკანონო გადატანას გულისხობს.
გავრცელებული ინფორმაციით, ტეიშეირას ბრალდება ჯერჯერობით მხოლოდ იმ დოკუმენტს უკავშირდება, რომელიც უკრაინაში ომის სტატუსს აღწერს და შეიცავს დეტალებს ჯარების გადაადგილების შესახებ.
ექსპერტების თქმით, გამომძიებლები მის მიერ გამოქვეყნებულ თითოეულ დოკუმენტს ცალ-ცალკე შეისწავლიან.
აღინიშნება, რომ ჯაშუშობის შესახებ ამერიკული კანონის ერთჯერადი დარღვევა ათ წლამდე თავისუფლების აღკვეთას ითვალისწინებს.
როგორც მედია იტყობინება, სასამართლო მოსმენა ხანმოკლე იყო. ტეიშეირას ინტერესებს სახაზინო ადვოკატი იცავს. პროკურორის შუამდგომლობაზე, რომ ბრალდებული სასამართლო პროცესის დაწყებამდე საპატიმროში მოთავსდეს, სასამართლო ოთხშაბათს, 19 აპრილს იმსჯელებს.
ჯეკ ტეიშეირა FBI-ს აგენტებმა „ექსცესების გარეშე“ დააკავეს მასაჩუსეტის შტატში, საკუთარ სახლში. ოჯახი ჟურნალისტებთან არანაირ კომენტარს არ აკეთებს.
როგორც Reuters-ი წერს, ტეიშეირას მიერ Discord-ის ჩატში ატვირთული საიდუმლო მასალების რაოდენობა შესაძლოა რამდენიმე ასეულიც კი იყოს. ეს გაჟონვა ყველაზე სერიოზულად მიიჩნევა 2010 წლის ინციდენტის შემდეგ, როდესაც WikiLeaks-ის საიტზე 700 ათასზე მეტი დოკუმენტი, ვიდეო და დიპლომატიური დეპეშა გამოქვეყნდა.
