https://sputnik-georgia.com/20230413/tbilissi-azerbaijaneli-mxatvris-cingiz-farzalievis-gamofena-gaixsna-276717138.html
თბილისში აზერბაიჯანელი მხატვრის ჩინგიზ ფარზალიევის გამოფენა გაიხსნა
თბილისში აზერბაიჯანელი მხატვრის ჩინგიზ ფარზალიევის გამოფენა გაიხსნა
Sputnik საქართველო
მდიდარი შემოქმედებითი ბიოგრაფიის მქონე მხატვრის გამოფენაზე წარმოდგენილია მისი ნამუშევრები, რომელთა შექმნა 1960-იანი წლებიდან დაიწყო. 13.04.2023-ს, Sputnik საქართველო
2023-04-13T22:57+0400
2023-04-13T22:57+0400
2023-08-17T19:46+0400
ახალი ამბები
საქართველო
აზერბაიჯანი
კულტურა საქართველოში
https://cdnn1.img.sputnik-georgia.com/img/07e7/04/0d/276710202_0:8:1024:584_1920x0_80_0_0_431c20d4d4850124788c091a677e2ed6.jpg
თბილისი, 13 აპრილი — Sputnik. დიმიტრი შევარდნაძის სახელობის ეროვნულ გალერეაში გაიხსნა ცნობილი აზერბაიჯანელი მხატვრისა და საზოგადო მოღვაწის ჩინგიზ ფარზალიევის პერსონალური გამოფენა - „დროის საფეხურებზე“, იუწყება საქართველოს კულტურის, სპორტისა და ახალგაზრდობის სამინისტროს პრეს-სამსახური.გამოფენა 10 მაისამდე გასტანს.ექსპოზიციაზე წარმოდგენილია მხატვრის ხანგრძლივი შემოქმედებითი ცხოვრების განმავლობაში შექმნილი მდიდარი კოლექციის მხოლოდ მცირე ნაწილი. ჩინგიზ ფარზალიევის ხელოვნება ცნობილია შთამბეჭდავი პეიზაჟებით, ნატურმორტებითა და ნამუშევართა ფილოსოფიური შინაარსით.გამოფენის გახსნამდე ჩინგიზ ფარზალიევმა ეროვნულ გალერეაში პრესკონფერენცია გამართა. მხატვარმა ისაუბრა თავისი შემოქმედებისა და წარმოდგენილი ექსპოზიციის შესახებ. მან თანამშრომლობისთვის მადლობა გადაუხადა დიმიტრი შევარდნაძის სახელობის ეროვნულ გალერეას.გამოფენისათვის გამოიცა ამავე სახელწოდების კატალოგიც. ღონისძიებას კულტურის, სპორტისა და ახალგაზრდობის მინისტრის პირველი მოადგილე კახა სიხარულიძე, საგარეო საქმეთა მინისტრის მოადგილე ხათუნა თორთლაძე, საქართველოში აზერბაიჯანის ელჩი ფაიგ გულიევი და სხვა მიწვეული სტუმრები დაესწრნენ.ჩინგიზ ფარზალიევი დაიბადა 1943 წელს. 1973 წელს დაამთავრა ვ. სურიკოვის სახელობის მოსკოვის სახელმწიფო სამხატვრო ინსტიტუტის ფერწერის ფაკულტეტი. 2008 წლიდან აზერბაიჯანის სახელმწიფო სამხატვრო აკადემიის პროფესორია, 2010 წლიდან - აზერბაიჯანის ხელოვნების ეროვნული მუზეუმის დირექტორი.გამორჩეული ხელოვანი და საზოგადო მოღვაწე არაერთი საერთაშორისო აკადემიური რეგალიის, ორდენისა თუ ჯილდოს მფლობელია. ის არის კემბრიჯის უნივერსიტეტის საერთაშორისო საინფორმაციო-ბიოგრაფიული ცენტრისა და ვ. სურიკოვის სახელობის მოსკოვის სახელმწიფო სამხატვრო ინსტიტუტის საპატიო პროფესორი; თბილისის სახელმწიფო სამხატვრო აკადემიის საპატიო დოქტორი.მსოფლიო კულტურისა და მეცნიერების განვითარებაში შეტანილი წვლილისათვის მიენიჭა ჰანოვერის ევროპის საბუნებისმეტყველო მეცნიერებათა აკადემიის საპატიო მოღვაწის წოდება. ავსტრიის რესპუბლიკის წინაშე დამსახურებისათვის ხელოვანი დაჯილდოვდა ღირსების ორდენით.
საქართველო
აზერბაიჯანი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, აზერბაიჯანი, კულტურა საქართველოში
ახალი ამბები, საქართველო, აზერბაიჯანი, კულტურა საქართველოში
თბილისში აზერბაიჯანელი მხატვრის ჩინგიზ ფარზალიევის გამოფენა გაიხსნა
22:57 13.04.2023 (განახლებულია: 19:46 17.08.2023) მდიდარი შემოქმედებითი ბიოგრაფიის მქონე მხატვრის გამოფენაზე წარმოდგენილია მისი ნამუშევრები, რომელთა შექმნა 1960-იანი წლებიდან დაიწყო.
თბილისი, 13 აპრილი — Sputnik. დიმიტრი შევარდნაძის სახელობის ეროვნულ გალერეაში გაიხსნა ცნობილი აზერბაიჯანელი მხატვრისა და საზოგადო მოღვაწის ჩინგიზ ფარზალიევის პერსონალური გამოფენა - „დროის საფეხურებზე“, იუწყება საქართველოს კულტურის, სპორტისა და ახალგაზრდობის სამინისტროს პრეს-სამსახური.
გამოფენა 10 მაისამდე გასტანს.
ექსპოზიციაზე წარმოდგენილია მხატვრის ხანგრძლივი შემოქმედებითი ცხოვრების განმავლობაში შექმნილი მდიდარი კოლექციის მხოლოდ მცირე ნაწილი. ჩინგიზ ფარზალიევის ხელოვნება ცნობილია შთამბეჭდავი პეიზაჟებით, ნატურმორტებითა და ნამუშევართა ფილოსოფიური შინაარსით.
„გამოფენა „დროის საფეხურებზე“ უნიკალური შესაძლებლობაა, მხატვართან ერთად ხელახლა განვვლოთ მისი შემოქმედების სამოცწლიანი გზა. ეს საგამოფენო პროექტი ხელოვანის თავისებური აღსარებაა. ქრონოლოგიური პრინციპით აგებული ექსპოზიცია თითქოს ახმოვანებს მის ნაფიქრ-ნააზრევს XX საუკუნის 60-იან, 70-იან, 80-იან, 90-იან წლებსა და ახალი მილენიუმის დასაწყისში და გამოხატავს მხატვრის შინაგან განცდებს“, – აღნიშნეს სამინისტროში.
გამოფენის გახსნამდე ჩინგიზ ფარზალიევმა ეროვნულ გალერეაში პრესკონფერენცია გამართა. მხატვარმა ისაუბრა თავისი შემოქმედებისა და წარმოდგენილი ექსპოზიციის შესახებ. მან თანამშრომლობისთვის მადლობა გადაუხადა დიმიტრი შევარდნაძის სახელობის ეროვნულ გალერეას.
გამოფენისათვის გამოიცა ამავე სახელწოდების კატალოგიც. ღონისძიებას კულტურის, სპორტისა და ახალგაზრდობის მინისტრის პირველი მოადგილე კახა სიხარულიძე, საგარეო საქმეთა მინისტრის მოადგილე ხათუნა თორთლაძე, საქართველოში აზერბაიჯანის ელჩი ფაიგ გულიევი და სხვა მიწვეული სტუმრები დაესწრნენ.
ჩინგიზ ფარზალიევი დაიბადა 1943 წელს. 1973 წელს დაამთავრა ვ. სურიკოვის სახელობის მოსკოვის სახელმწიფო სამხატვრო ინსტიტუტის ფერწერის ფაკულტეტი. 2008 წლიდან აზერბაიჯანის სახელმწიფო სამხატვრო აკადემიის პროფესორია, 2010 წლიდან - აზერბაიჯანის ხელოვნების ეროვნული მუზეუმის დირექტორი.
გამორჩეული ხელოვანი და საზოგადო მოღვაწე არაერთი საერთაშორისო აკადემიური რეგალიის, ორდენისა თუ ჯილდოს მფლობელია. ის არის კემბრიჯის უნივერსიტეტის საერთაშორისო საინფორმაციო-ბიოგრაფიული ცენტრისა და ვ. სურიკოვის სახელობის მოსკოვის სახელმწიფო სამხატვრო ინსტიტუტის საპატიო პროფესორი; თბილისის სახელმწიფო სამხატვრო აკადემიის საპატიო დოქტორი.
მსოფლიო კულტურისა და მეცნიერების განვითარებაში შეტანილი წვლილისათვის მიენიჭა ჰანოვერის ევროპის საბუნებისმეტყველო მეცნიერებათა აკადემიის საპატიო მოღვაწის წოდება. ავსტრიის რესპუბლიკის წინაშე დამსახურებისათვის ხელოვანი დაჯილდოვდა ღირსების ორდენით.
