https://sputnik-georgia.com/20230405/danasaulis-gamozieba-sxvagvarad-warimarteba-276451151.html
დანაშაულის გამოძიება საქართველოში სხვაგვარად წარიმართება
დანაშაულის გამოძიება საქართველოში სხვაგვარად წარიმართება
Sputnik საქართველო
გამომძიებლების უფლებამოსილებები პროკურორების ხარჯზე გაფართოვდება. 05.04.2023-ს, Sputnik საქართველო
2023-04-05T18:56+0400
2023-04-05T18:56+0400
2023-04-05T22:28+0400
საქართველო
ახალი ამბები
საქართველოს პარლამენტი
https://cdnn1.img.sputnik-georgia.com/img/07e7/03/0a/275684558_0:142:3078:1873_1920x0_80_0_0_26ace7429971c88cc7b20ed824ebd95a.jpg
თბილისი, 5 აპრილი — Sputnik. საქართველოს პარლამენტმა პირველი მოსმენით მიიღო შესწორებები სისხლის სამართლის საპროცესო კოდექსში, რომლის თანახმად, პროკურორები დანაშაულის გამოძიების პროცესს აღარ უხელმძღვანელებენ. შესწორებების თანახმად, პროკურორები კარგავენ ეჭვმიტანილის სისხლის სამართლებრივი დევნის დაწყების პირველადი გადაწყვეტილების მიღების ფუნქციას. ისინი ასევე არ მიიღებენ გამოძიების დაწყების შესახებ გადაწყვეტილებას. გარდა ამისა, პროკურორები ვერ მიუთითებენ გამომძიებლებს, როგორ წარმართონ გამოძიება ან გადასცენ ერთი გამომძიებლის საქმე სხვა გამომძიებელს. პირველი მოსმენით მიღებული შესწორებებით, ყველა გამოძიება გამომძიებლებს დაეკისრებათ. რეფორმის თანახმად, საქართველოში გამომძიებელი შეიძლება იყოს მხოლოდ უმაღლესი იურიდიული განათლების მქონე მოქალაქე. სწორედ გამომძიებლები ჩაატარებენ ყველა საგამოძიებო ღონისძიებას, მიიღებენ სასამართლოს ნებართვას ადამიანის უფლების შემზღუდავი ღონისძიებების გატარებაზე, მიიღებენ მონაწილეობას სასამართლო განხილვებში, შეამოწმებენ და დაუბკოლებლად მიიღებენ აუცილებელ ნივთმტკიცებებს სახელმწიფო ორგანოებიდან, აღიარებენ ადამიანს დაზარალებულად საქმეზე დამნაშავის გამოვლენამდე. გამომძიებელი გამოძიების დაწყებას პროკურორის თანხმობის მიღებამდე შეძლებს. მას ასევე ექნება უფლება, პროკურატურის მიერ ბრალის წარდგენამდე საქმეები გააერთიანოს ან დაყოს. ამგვარად, სისხლის სამართლის საქმეების გამოძიებაში პროკურორებს ექნებათ მხოლოდ ის უფლებამოსილებები, რომლებიც საჭიროა საპროცესო ზედამხედველობისა და სისხლის სამართლის დევნის განხორციელებისთვის. პროკურორს საპროცესო მეთვალყურეობის საკითხში უფლება ექნება მიიღოს შემაჯამებელი გადაწყვეტილება სისხლის სამართლებრივი დევნის ან გამოძიების შეწყვეტის შესახებ. პროკურორები შეძლებენ ბრალდების შეცვლას, სასამართლოსთან შუამდგომლობას აღკვეთის ზომასთან დაკავშირებით ან ოპერატიულ ღონისძიებებზე გადაწყვეტილების შესახებ, მათ შორის, ჩხრეკაზე, ამოღებაზე და ა.შ. პროკურორები ბრალმდებლის სხვა ფუნქციებსაც შეინარჩუნებენ, რომლებიც უკავშირდება სამხილების წარდგენას, საპროცესო გარიგების დადებას. მათ კომპეტენციაში ასევე შევა საქმის კვალიფიკაცია, ადამიანის ძებნაში გამოცხადება, ადამიანის დაზარალებულად ცნობა. პროკურორები ასევე მიიღებენ უფლებას, დაესწრონ საგამოძიებო ღონისძიებების ჩატარებას ან მიიღონ მასში მონაწილეობა ბრალის წარდგენის შემდეგ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, ახალი ამბები, საქართველოს პარლამენტი
საქართველო, ახალი ამბები, საქართველოს პარლამენტი
დანაშაულის გამოძიება საქართველოში სხვაგვარად წარიმართება
18:56 05.04.2023 (განახლებულია: 22:28 05.04.2023) გამომძიებლების უფლებამოსილებები პროკურორების ხარჯზე გაფართოვდება.
თბილისი, 5 აპრილი — Sputnik. საქართველოს პარლამენტმა პირველი მოსმენით მიიღო შესწორებები სისხლის სამართლის საპროცესო კოდექსში, რომლის თანახმად, პროკურორები დანაშაულის გამოძიების პროცესს აღარ უხელმძღვანელებენ.
შესწორებების თანახმად, პროკურორები კარგავენ ეჭვმიტანილის სისხლის სამართლებრივი დევნის დაწყების პირველადი გადაწყვეტილების მიღების ფუნქციას. ისინი ასევე არ მიიღებენ გამოძიების დაწყების შესახებ გადაწყვეტილებას.
გარდა ამისა, პროკურორები ვერ მიუთითებენ გამომძიებლებს, როგორ წარმართონ გამოძიება ან გადასცენ ერთი გამომძიებლის საქმე სხვა გამომძიებელს.
პირველი მოსმენით მიღებული შესწორებებით, ყველა გამოძიება გამომძიებლებს დაეკისრებათ.
რეფორმის თანახმად, საქართველოში გამომძიებელი შეიძლება იყოს მხოლოდ უმაღლესი იურიდიული განათლების მქონე მოქალაქე.
სწორედ გამომძიებლები ჩაატარებენ ყველა საგამოძიებო ღონისძიებას, მიიღებენ სასამართლოს ნებართვას ადამიანის უფლების შემზღუდავი ღონისძიებების გატარებაზე, მიიღებენ მონაწილეობას სასამართლო განხილვებში, შეამოწმებენ და დაუბკოლებლად მიიღებენ აუცილებელ ნივთმტკიცებებს სახელმწიფო ორგანოებიდან, აღიარებენ ადამიანს დაზარალებულად საქმეზე დამნაშავის გამოვლენამდე.
გამომძიებელი გამოძიების დაწყებას პროკურორის თანხმობის მიღებამდე შეძლებს. მას ასევე ექნება უფლება, პროკურატურის მიერ ბრალის წარდგენამდე საქმეები გააერთიანოს ან დაყოს.
ამგვარად, სისხლის სამართლის საქმეების გამოძიებაში პროკურორებს ექნებათ მხოლოდ ის უფლებამოსილებები, რომლებიც საჭიროა საპროცესო ზედამხედველობისა და სისხლის სამართლის დევნის განხორციელებისთვის.
პროკურორს საპროცესო მეთვალყურეობის საკითხში უფლება ექნება მიიღოს შემაჯამებელი გადაწყვეტილება სისხლის სამართლებრივი დევნის ან გამოძიების შეწყვეტის შესახებ. პროკურორები შეძლებენ ბრალდების შეცვლას, სასამართლოსთან შუამდგომლობას აღკვეთის ზომასთან დაკავშირებით ან ოპერატიულ ღონისძიებებზე გადაწყვეტილების შესახებ, მათ შორის, ჩხრეკაზე, ამოღებაზე და ა.შ.
პროკურორები ბრალმდებლის სხვა ფუნქციებსაც შეინარჩუნებენ, რომლებიც უკავშირდება სამხილების წარდგენას, საპროცესო გარიგების დადებას.
მათ კომპეტენციაში ასევე შევა საქმის კვალიფიკაცია, ადამიანის ძებნაში გამოცხადება, ადამიანის დაზარალებულად ცნობა. პროკურორები ასევე მიიღებენ უფლებას, დაესწრონ საგამოძიებო ღონისძიებების ჩატარებას ან მიიღონ მასში მონაწილეობა ბრალის წარდგენის შემდეგ.
