მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ელჩის სიტყვები კონტექსტიდანაა ამოგლეჯილი: პოლონეთის საელჩო განცხადებას ავრცელებს

© photo: Sputnik / Alexey Vitvitsky
  - Sputnik საქართველო, 1920, 20.03.2023
გამოწერა
თბილისი, 20 მარტი — Sputnik. ზოგიერთმა მედიასაშუალებამ საფრანგეთში პოლონეთის ელჩის იან ემერიკ როსტიშევსკის სიტყვები კონტექსტიდან ამოგლიჯა და არასწორი ინტერპრეტაციით გაავრცელა, ნათქვამია დიპლომატიური მისიის მიერ გავრცელებულ განცხადებაში.
საუბარია როსტიშევსკის განცხადებაზე, რომელიც მან LCI-ს ეთერში გააკეთა: „თუ უკრაინა თავის დამოუკიდებლობას ვერ დაიცავს, პოლონეთს არჩევანი არ ექნება და იძულებული გახდება კონფლიქტში ჩაერთოს“.
როგორც დიპლომატიური მისია განმარტავს, ელჩის ნათქვამის სრულად მოსმენის შემთხვევაში სრულიად გასაგები ხდება, რომ მას პოლონეთის ომში უშუალო მონაწილეობა არ ჰქონია მხედველობაში.

„მთელი საუბრის ყურადღებით მოსმენა ცხადყოფს, რომ კონფლიქტში პოლონეთის უშუალო მონაწილეობის შესახებ განცხადება არ ყოფილა. ეს იყო მხოლოდ გაფრთხილება იმ შედეგებზე, რომლებიც შესაძლოა მოჰყვეს უკრაინის დამარცხებას: რუსეთის თავდასხმის ალბათობაზე ცენტრალური ევროპის სხვა ქვეყნებზე — ბალტიისპირეთზე და პოლონეთზე, ან ომში მათი ჩართვის შესაძლებლობაზე“, — ნათქვამია საელჩოს განცხადებაში.

ამასთან დიპლომატიური მისია განმარტავს, რომ პოლონეთი არ არის ომის მდგომარეობაში, მაგრამ ყველაფერს აკეთებს იმისთვის, რომ უკრაინას თავდაცვაში დაეხმაროს, რათა კონფლიქტი „ევროპასა და პოლონეთს არ მიუახლოვდეს“.
ყველა ახალი ამბავი
0