რემონტი დასრულდა: მეტროს სადგური „გოცირიძე“ მუშაობას იწყებს

© Tbilisi City Hall მეტროს სადგური „გოცირიძე“
მეტროს სადგური „გოცირიძე“ - Sputnik საქართველო, 1920, 17.03.2023
გამოწერა
სადგური ადაპტირებულია შშმ პირებისთვის – დამონტაჟდა ორი ლიფტი და მოეწყო სპეციალური ტაქტილური ბილიკები.
თბილისი, 17 მარტი – Sputnik. თბილისის მეტროს სადგური „გოცირიძე“, ორი წლის შემდეგ, მუშაობას 18 მარტს განაახლებს, იუწყება თბილისის მერია.
მერიის განცხადებით, სადგურის რემონტი სრულად დამთავრდა.
რეკონსტრუქციის ფარგლებში გარემონტდა ინტერიერი და ექსტერიერი; „გოცირიძე" თბილისში მეტროს ერთადერთი სადგური იყო, რომელსაც პლატფორმის გადახურვა არ ჰქონდა, ახლა მთლიანად გადაიფარა მგზავრთა ჩასასხდომი ბაქანი და ჩატარდა მისი გამაგრების სამუშაოები.
სადგური ასევე ადაპტირებული გახდა შშმ პირებისთვის – დამონტაჟდა ორი ლიფტი და მოეწყო სპეციალური ტაქტილური ბილიკები.
© Courtesy of Tbilisi City Hall მეტროს სადგური „გოცირიძე“
Станция Тбилисского метрополитена Гоциридзе - Sputnik საქართველო, 1920, 17.03.2023
მეტროს სადგური „გოცირიძე“
ასევე გარემონტდა როგორც სადგურის ვესტიბიული, ასევე ბაქანი, თანამშრომლებისთვის განკუთვნილი ოთახები და თანამედროვე სტანდარტების შესაბამისად შეიცვალა გახმოვანების სისტემა. სრულად გამოიცვალა სადგურის ელექტროსისტემები. რეაბილიტირდა მგზავრთა მისაღები ბაქანიც.
© Tbilisi City Hall მეტროს სადგური „გოცირიძე“
Станция Тбилисского метрополитена Гоциридзе - Sputnik საქართველო, 1920, 17.03.2023
მეტროს სადგური „გოცირიძე“
პროექტის ბიუჯეტმა 4.7 მლნ ლარი შეადგინა
სადგური „გოცირიძე" 1966 წლის 11 იანვარს გაიხსნა და მისი სახე მას შემდეგ განსაკუთრებულად არ შეცვლილა. მეტროს მშენებლობის ხელმძღვანელის ვიქტორ გოცირიძის სახელი ამ სადგურს, რომელსაც მანამდე „ელექტროდეპო“ ერქვა, 2011 წელს მიენიჭა.
© Courtesy of Tbilisi City Hall მეტროს სადგური „გოცირიძე“
Станция Тбилисского метрополитена Гоциридзе - Sputnik საქართველო, 1920, 17.03.2023
მეტროს სადგური „გოცირიძე“
ამჟამად თბილისის მეტროპოლიტენი ორ ხაზზე – ახმეტელი-ვარკეთილის და საბურთალოს ხაზებზე 23 სადგურს ითვლის. მეტროს ხაზების საერთო სიგრძეა 57 კილომეტრი. აქედან პირველი ხაზი 40 კილომეტრია, ხოლო მეორე – 17 კმ.
ყველა ახალი ამბავი
0