სვანეთში ფრირაიდში საერთაშორისო შეჯიბრება იწყება

© courtesy of TBC Bank ზამთრის კურორტზე
ზამთრის კურორტზე - Sputnik საქართველო, 1920, 16.03.2023
გამოწერა
შეჯიბრებაში მონაწილეობას მიიღებს 50-მდე ქართველი და უცხოელი სპორტსმენი.
თბილისი, 16 მარტი — Sputnik. სვანეთში 16 მარტს Freeride World Tour-ის (FWQ) ფარგლებში საერთაშორისო საკვალიფიკაციო შეჯიბრება იწყება ფრირაიდში, იუწყება საქართველოს მთის ტრასების სააგენტო.
ფრირაიდი (Freeride) ზამთრის სპორტის განსაკუთრებული სახეობაა – სნოუბორდით ან თხილამურებით სრიალი ბუნებრივ ტრასებზე. მიჩნეულია, რომ სწორედ გაუკვალავ თოვლზე სრიალი ხსნის სრულად სნოუბორდისა და თხილამურების ყველა შესაძლებლობას.
ფრირაიდის კვირეულის ფარგლებში კურორტ თეთნულდში ჩატარდება შეჯიბრებები, რომლებშიც 50-მდე ქართველი და უცხოელი სპორტსმენი მიიღებს მონაწილეობას. კონკურსის პარალელურად დაგეგმილია სხვადასხვა კულტურული, გასტრონომიული და გასართობი პროგრამა.

„Freeride-ის კვირეული წარმატებით ჩატარდა გასულ წელსაც, სადაც სპორტსმენები მსოფლიოს 16 სხვადასხვა ქვეყნიდან მონაწილეობდნენ. მსგავსი ღონისძიების ჩატარება მნიშვნელოვანია, ვინაიდან წარმოაჩენს საქართველოს სამთო-სათხილამურო კურორტების პოტენციალს საერთაშორისო მასშტაბით", – ნათქვამია განცხადებაში.

FWQ-ს საკვალიფიკაციო ეტაპები მოიცავს მცირე (ორვარსკვლავიან) და დიდ (ოთხვარსკვლავიან) შეჯიბრებებს. მცირე შეჯიბრება უზრუნველყოფს ადგილობრივი და დამწყები სპორტსმენების მონაწილეობას, ხოლო დიდი – მაღალი კვალიფიკაციის საერთაშორისო სპორტსმენების.
შეჯიბრის მხარდამჭერები არიან: USAID-ს ეკონომიკური უსაფრთხოების პროგრამა, მთის ტრასების სააგენტო, ტურიზმის ეროვნული ადმინისტრაცია, მესტიის მუნიციპალიტეტი, სვანეთის DMO, ევროკავშირი, შვედეთი და ავსტრია პროექტ GRETA-ს ფარგლებში, საქართველოს სათხილამურო ფედერაცია.
შეჯიბრის ტექნიკური ორგანიზატორია ქართული კომპანია White Rabbit, რომელსაც მიღებული აქვს Freeride World Tour-ის აკრედიტაცია.
ყველა ახალი ამბავი
0