მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ალენ ბერსე: შვეიცარია უკრაინისთვის იარაღის მიწოდების წინააღმდეგია

© photo: Sputnik / Alexey Vitvitsky / გადასვლა მედიაბანკში
  - Sputnik საქართველო, 1920, 13.03.2023
გამოწერა
თბილისი, 13 მარტი — Sputnik. შვეიცარიული იარაღი არ უნდა იქნას გამოყენებული რუსეთ-უკრაინის კონფლიქტში, განაცხადა შვეიცარიის პრეზიდენტმა ალენ ბერსემ გამოცემა NZZ am Sonntag-თან ინტერვიუში.
მისი თქმით, შვეიცარიის პოლიტიკა მშვიდობის, ჰუმანიტარული სამართლისა და შუამავლობის ვალდებულებას ეფუძნება, რაც „ზოგს, შესაძლოა, მოძველებულად მოეჩვენოს, მაგრამ ის დღეს იმაზე ბევრად მნიშვნელოვანია, ვიდრე ოდესმე ყოფილა“.

„ამ ფუნდამენტური პრინციპების მიღმა გადასვლა ძალიან საშიშია. რაც შეეხება შვეიცარიას, ომი არ არის [ჩვენი] დნმ-ის ნაწილი. მთავრობის პოზიცია ნათელია. ეს ასევე შეესაბამება ჩემს პირად პოზიციას. შვეიცარიული იარაღი არ უნდა იქნას გამოყენებული ომებში“, — თქვა ბერსემ.

აღსანიშნავია, რომ შვეიცარია მხარს უჭერს რუსეთის წინააღმდეგ საერთო ევროპულ სანქციებს და კონფლიქტის დაწყების შემდეგ მის იურისდიქციაში არსებული ზოგი რუსული აქტივიც გაყინა.
ამასთან შვეიცარიამ კატეგორიული უარი თქვა უკრაინისთვის იარაღის მიწოდებაზე და სხვა ქვეყნებს მისგან ადრე შეძენილი იარაღის გადაცემაც კი აუკრძალა კიევისთვის.
წყარო: NZZ am Sonntag
ყველა ახალი ამბავი
0