რუსეთი თუ მოსკოვია: კრემლში უკრაინულ იდეაზე კომენტარი გაკეთდა

© photo: Sputnik / Natalya Seliverstovaმოსკოვი
მოსკოვი - Sputnik საქართველო, 1920, 13.03.2023
გამოწერა
თბილისი, 13 მარტი — Sputnik. იდეა, რომელიც უკრაინაში წამოაყენეს რუსეთისთვის სახელის შეცვლასთან და მისთვის მოსკოვიას დარქმევასთან დაკავშირებით, მხოლოდ კურიოზად შეიძლება განვიხილოთ, განუცხადა ჟურნალისტებს რუსეთის პრეზიდენტის პრეს-მდივანმა დმიტრი პესკოვმა.
მისი თქმით, რუსეთისთვის სახელის შეცვლასთან დაკავშირებით მანამდეც ბევრი ხუმრობა ყოფილა.

„იცით, ასეთი შეტყობინებები და გადაწყვეტილებები ალბათ სასაცილო კურიოზებს განეკუთვნება. თუ არ ვცდები, ამ თემაზე უკვე ბევრი ასეთი ხუმრობა ყოფილა. არ მგონია, რომ რაიმე ახალი ხუმრობა იყოს საჭირო“, — თქვა მან.

ამასთან პესკოვს მიაჩნია, რომ რუსეთის ფედერაცია, რა სახელიც არ უნდა ეწოდოს მას, „მაინც ზესახელმწიფოდ და რუსეთად დარჩება“.
პეტიცია რუსეთისთვის სახელის გადარქმევისა და მისთვის მოსკოვიას წოდების შესახებ უკრაინის პრეზიდენტის ვებ-გვერდზე გასული წლის ნოემბრის ბოლოს გაჩნდა. თებერვლის შუა რიცხვებისთვის პეტიციაზე უკვე იყო განსახილველად საჭირო 25 ათასი ხელმოწერა. შესაბამისად, უკრაინის კანონმდებლობით, პრეზიდენტი და ქვეყნის ხელისუფლების უმაღლესი ორგანოები ვალდებული არიან, ოფიციალურად განიხილონ პეტიცია. ვოლოდიმირ ზელენსკიმ უკვე დაავალა პრემიერ-მინისტრს, „კომპლექსურად დაამუშავოს ეს საკითხი სამეცნიერო-კულტურული და საერთაშორისო-სამართლებრივი სირთულეების გათვალისწინებით“.
ყველა ახალი ამბავი
0