დევნილებისა და ეკომიგრანტებისთვის სასათბურე მეურნეობის მხარდაჭერის პროგრამა დაიწყო

© Sputnik / STRINGERმიწის დამუშავება
მიწის დამუშავება - Sputnik საქართველო, 1920, 13.03.2023
გამოწერა
პროგრამაში ჩართვის მსურველთა განაცხადების მიღება 10 აპრილამდე გაგრძელდება.
თბილისი, 13 მარტი – Sputnik. დევნილთა, ეკომიგრანტთა და საარსებო წყაროებით უზრუნველყოფის სააგენტომ „სასათბურე მეურნეობის მხარდაჭერის საგრანტო პროგრამის“ ფარგლებში იძულებით გადაადგილებულ პირთა განაცხადების მიღება დაიწყო.
აღნიშნული პროგრამის მიზანს დევნილებისა და განსახლებული ეკომიგრანტების სასოფლო-სამეურნეო ინიციატივების მხარდაჭერა წარმოადგენს.

„საგრანტო პროგრამაში გამარჯვებული დევნილებისა და ეკომიგრანტების საკუთრებაში არსებულ მიწის ნაკვეთებზე სათბურები მოეწყობა. ჯამში 30-მდე პროექტი დაფინანსდება", – ნათქვამია სააგენტოს განცხადებაში.

ამ ეტაპზე პროგრამაში მონაწილეობა ქვემო ქართლის, სამცხე-ჯავახეთისა და კახეთის რეგიონებში მცხოვრებ დევნილებს შეუძლიათ. პროგრამა ბენეფიციარის მხრიდან თანამონაწილეობის კომპონენტსაც ითვალისწინებს.
პროგრამაში მონაწილეობის მსურველი დევნილებისა და ეკომიგრანტების საგრანტო განაცხადების მიღება 10 აპრილამდე გაგრძელდება.
განაცხადები მიიღება სააგენტოსა და მის ტერიტორიულ სამმართველოებში მისამართებზე: თბილისი, თამარაშვილის ქ.N15ა; გორი, სამების ქუჩა N1; რუსთავი, კოსტავას ქ. N20; ქუთაისი, აბაშიძის გამზ. N27. განაცხადის გაგზავნა შესაძლებელია სააგენტოს ოფიციალურ ელექტრონულ ფოსტაზეც – info@idp.gov.ge.
პროგრამის შესახებ დეტალური ინფორმაციის გაცნობა შესაძლებელია სააგენტოს ვებ-გვერდზე - https://idp.gov.ge/statement-120/
ყველა ახალი ამბავი
0