https://sputnik-georgia.com/20230309/eqvsimiutevebeli-secdoma-wnevis-gazomvisas-275637953.html
სავადებულოა, იცოდეთ: ექვსი მიუტევებელი შეცდომა წნევის გაზომვისას
სავადებულოა, იცოდეთ: ექვსი მიუტევებელი შეცდომა წნევის გაზომვისას
Sputnik საქართველო
თბილისი, 9 მარტი — Sputnik. ადამიანები ხშირად უშვებენ შეცდომებს არტერიული წნევის გაზომვისას, რაც მნიშვნელოვან გავლენას ახდენს შედეგზე, აცხადებენ სპეციალისტები. 09.03.2023-ს, Sputnik საქართველო
2023-03-09T17:24+0400
2023-03-09T17:24+0400
2023-08-17T10:48+0400
ექიმის რჩევები
სასარგებლო რჩევები
https://cdnn1.img.sputnik-georgia.com/img/23515/70/235157040_0:270:5184:3186_1920x0_80_0_0_00ecbd8bbdb88b75275190144e728b9e.jpg
თბილისი, 9 მარტი — Sputnik. ადამიანები ხშირად უშვებენ შეცდომებს არტერიული წნევის გაზომვისას, რაც მნიშვნელოვან გავლენას ახდენს შედეგზე, აცხადებენ სპეციალისტები.მათი თქმით, ყველაზე ხშირი შეცდომები, რომელთა გამოც წნევის არასწორ მაჩვენებლებს ვიღებთ, არც ისე ბევრია, თუმცა მათ შესახებ ბევრმა ან არ იცის, ან ყურადღებას არ აქცევს.პირველი შეცდომა — არასწორი დროალბათ უცხო არ არის, რომ ადამიანი წნევას ხშირად ფსიქოემოციური ან ფიზიკური დაძაბულობის ფონზე იზომავს, რაც კატეგორიულად არასწორია.კარდიოლოგების თქმით, წნევის გაზომვისას ადამიანი მშვიდ მდგომარეობაში უნდა იყოს. თუ რაიმე სიმძიმეს შეეჭიდებით ან ინერვიულებთ და მაშინვე წნევის გაზომვას დაიწყებთ, გამომდინარე იქიდან, რომ ეს ჩვეულებრივი მდგომარეობა არ არის, მაჩვენებელი მაღალი იქნება. საქმე ისაა, რომ ამ დროს ხდება სისხლძარღვების სპაზმი, გულზე დატვირთვა ძლიერდება და, შესაბამისად, პულსიცა და წნევაც აწეულია. ამიტომ ასეთ შემთხვევებში წნევის გაზომვამდე ათი წუთი მაინც უნდა გავიდეს.მეორე შეცდომა — არასწორი ჯდომაწნევის გაზომვისას უნდა მიიღოთ სწორი პოზა: დაჯექით სკამზე ისე, რომ ზურგი სწორად გეჭიროთ, ფეხებით იატაკს უნდა ეხებოდეთ, ხოლო იდაყვში ნახევრად მოხრილი ხელი მაგიდაზე ისე უნდა გედოთ, რომ მკლავზე შემოხვეული მანჟეტი გულს უსწორდებოდეს. ამასთან, უნდა იყოთ მოდუნებული.იშვიათ შემთხვევაში, თუ პაციენტს ჯდომა არ შეუძლია, დასაშვებია წნევის წამოწოლილ მდგომარეობაში გასინჯვა.მესამე შეცდომა — არასწორად შემოჭერილი მანჟეტიიმისათვის, რომ წნევის მაჩვენებელი სწორი იყოს, საჭიროა, რომ მანჟეტი მკლავზე სწორ ადგილზე შემოიჭიროთ. ეს ადგილია იდაყვიდან 1-2 სანტიმეტრით მაღლა, გულის გასწვრივ — და არა იქ, სადაც მოგიხერხდებათ.მეოთხე შეცდომა — გაზომვა ტანსაცმლის ზემოდანტანსაცმელი ხელს უშლის წნევის სწორი მაჩვენებლის მიღებას. იდეალურია, თუ მანჟეტს შიშველ მკლავზე გაიკეთებთ — ისე, რომ აკაპიწებული სახელო მხარზე არ გაჭერდეთ.მეხუთე შეცდომა — ყავა და სიგარეტიიმისათვის, რომ სწორი მაჩვენებელი მიიღოთ, წნევის გაზომვამდე ნახევარი საათის განმავლობაში არც ყავა ან ჩაი არ უნდა გქონდეთ დალეული და არც სიგარეტი მოწეული. ეს ყველაფერი არტერიულ წნევას მაღლა სწევს.მეექვსე შეცდომა — ერთხელ გაზომვაკარდიოლოგების თქმით, წნევა აუცილებლად ხელმეორედ უნდა გაიზომოთ პირველი გაზომვიდან ორი წუთის შემდეგ, რათა ზუსტი მაჩვენებელი დაადასტუროთ.ამასთან, ექიმები გვაფრთხილებენ: თუ მანამდე დადგენილი გაქვთ, რომ მარჯვენა და მარცხენა ხელებზე სხვადასხვა წნევა გეზომებათ და ეს განსხვავება სინდიყის სვეტის ათ მილიმეტრზე მეტია, მაშინ შემდეგი გაზომვისას ის ხელი უნდა გამოიყენოთ, რომელზეც მაქსიმალური წნევა დაგიფიქსირდათ.
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ექიმის რჩევები, სასარგებლო რჩევები
ექიმის რჩევები, სასარგებლო რჩევები
თბილისი, 9 მარტი — Sputnik. ადამიანები ხშირად უშვებენ შეცდომებს არტერიული წნევის გაზომვისას, რაც მნიშვნელოვან გავლენას ახდენს შედეგზე, აცხადებენ სპეციალისტები.
მათი თქმით, ყველაზე ხშირი შეცდომები, რომელთა გამოც წნევის არასწორ მაჩვენებლებს ვიღებთ, არც ისე ბევრია, თუმცა მათ შესახებ ბევრმა ან არ იცის, ან ყურადღებას არ აქცევს.
პირველი შეცდომა — არასწორი დრო
ალბათ უცხო არ არის, რომ ადამიანი წნევას ხშირად ფსიქოემოციური ან ფიზიკური დაძაბულობის ფონზე იზომავს, რაც კატეგორიულად არასწორია.
კარდიოლოგების თქმით, წნევის გაზომვისას ადამიანი მშვიდ მდგომარეობაში უნდა იყოს. თუ რაიმე სიმძიმეს შეეჭიდებით ან ინერვიულებთ და მაშინვე წნევის გაზომვას დაიწყებთ, გამომდინარე იქიდან, რომ ეს ჩვეულებრივი მდგომარეობა არ არის, მაჩვენებელი მაღალი იქნება.
საქმე ისაა, რომ ამ დროს ხდება სისხლძარღვების სპაზმი, გულზე დატვირთვა ძლიერდება და, შესაბამისად, პულსიცა და წნევაც აწეულია. ამიტომ ასეთ შემთხვევებში წნევის გაზომვამდე ათი წუთი მაინც უნდა გავიდეს.
მეორე შეცდომა — არასწორი ჯდომა
წნევის გაზომვისას უნდა მიიღოთ სწორი პოზა: დაჯექით სკამზე ისე, რომ ზურგი სწორად გეჭიროთ, ფეხებით იატაკს უნდა ეხებოდეთ, ხოლო იდაყვში ნახევრად მოხრილი ხელი მაგიდაზე ისე უნდა გედოთ, რომ მკლავზე შემოხვეული მანჟეტი გულს უსწორდებოდეს. ამასთან, უნდა იყოთ მოდუნებული.
იშვიათ შემთხვევაში, თუ პაციენტს ჯდომა არ შეუძლია, დასაშვებია წნევის წამოწოლილ მდგომარეობაში გასინჯვა.
მესამე შეცდომა — არასწორად შემოჭერილი მანჟეტი
იმისათვის, რომ წნევის მაჩვენებელი სწორი იყოს, საჭიროა, რომ მანჟეტი მკლავზე სწორ ადგილზე შემოიჭიროთ.
ეს ადგილია იდაყვიდან 1-2 სანტიმეტრით მაღლა, გულის გასწვრივ — და არა იქ, სადაც მოგიხერხდებათ.
მეოთხე შეცდომა — გაზომვა ტანსაცმლის ზემოდან
ტანსაცმელი ხელს უშლის წნევის სწორი მაჩვენებლის მიღებას. იდეალურია, თუ მანჟეტს შიშველ მკლავზე გაიკეთებთ — ისე, რომ აკაპიწებული სახელო მხარზე არ გაჭერდეთ.
მეხუთე შეცდომა — ყავა და სიგარეტი
იმისათვის, რომ სწორი მაჩვენებელი მიიღოთ, წნევის გაზომვამდე ნახევარი საათის განმავლობაში არც ყავა ან ჩაი არ უნდა გქონდეთ დალეული და არც სიგარეტი მოწეული. ეს ყველაფერი არტერიულ წნევას მაღლა სწევს.
მეექვსე შეცდომა — ერთხელ გაზომვა
კარდიოლოგების თქმით, წნევა აუცილებლად ხელმეორედ უნდა გაიზომოთ პირველი გაზომვიდან ორი წუთის შემდეგ, რათა ზუსტი მაჩვენებელი დაადასტუროთ.
ამასთან, ექიმები გვაფრთხილებენ: თუ მანამდე დადგენილი გაქვთ, რომ მარჯვენა და მარცხენა ხელებზე სხვადასხვა წნევა გეზომებათ და ეს განსხვავება სინდიყის სვეტის ათ მილიმეტრზე მეტია, მაშინ შემდეგი გაზომვისას ის ხელი უნდა გამოიყენოთ, რომელზეც მაქსიმალური წნევა დაგიფიქსირდათ.
