ევროპის სასამართლომ „ვაგნერის“ შეფის დედას სანქციები მოუხსნა

© photo: Sputnik / Stringerევგენი პრიგოჟინი
ევგენი პრიგოჟინი - Sputnik საქართველო, 1920, 08.03.2023
გამოწერა
НовостиTelegram
თბილისი, 8 მარტი — Sputnik. ევროპულმა სასამართლომ რუსული კერძო სამხედრო კომპანია „ვაგნერის“ შეფის ევგენი პრიგოჟინის დედას სანქციები მოუხსნა, ნათქვამია სასამართლოს პრეს-რელიზში.
ვიოლეტა პრიგოჟინა ევროკავშირის სანქციების სიაში 2022 წლის 3 მარტს შეიყვანეს.
როგორც სასამართლოს პრეს-რელიზშია აღნიშნული, ვიოლეტა პრიგოჟინა 2017 წლამდე ფლობდა შვილთან ერთად კეიტერინგულ კომპანია „კონკორდს“. ამ დროისათვის ის აღარ არის კომპანიის მფლობელი, მიუხედავად იმისა, რომ მის განკარგულებაში კვლავაც რჩება აქციები.

„ამასთან დაკავშირებით პრიგოჟინამ მოითხოვა, რომ საერთო იურისდიქციის სასამართლოს გაებათილებინა მასთან დაკავშირებული სადავო აქტები. დღეს გამოტანილი გადაწყვეტილებით, საერთო სასამართლომ დააკამაყოფილა მისი თხოვნა, ვინაიდან ქალბატონი პრიგოჟინა 2017 წლიდან აღარ არის Concord Management and Consulting since-ს მფლობელი“, — ნათქვამია პრეს-რელიზში.

ამასთან, სასამართლოს ცნობით, ევროპულმა საბჭომ ვერ წარმოადგინა მტკიცებულებები, რომლებიც დაადასტურებდა, რომ სანქციების სიაში ჩართვისას ვიოლეტა პრიგოჟინა შვილთან დაკავშირებულ აქტივებს ფლობდა.
თავად ევგენი პრიგოჟინს ევროკავშირის სანქციები 2020 წელს დაუწესდა, აშშ-ის სანქციები კი 2016 წელს შეეხო. ვაშინგტონში მიაჩნიათ, რომ „ვაგნერის“ შეფი იმ „ტროლების ფაბრიკასთანაა“ კავშირში, რომელიც აშშ-ის საპრეზიდენტო არჩევნებში ჩაერია დონალდ ტრამპის მხარდასაჭერად.
ყველა ახალი ამბავი
0