მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

აშშ-ის საგარეო პოლიტიკის სახე: ნედ პრაისი თანამდებობიდან მიდის

© AP Photo / Luis M. Alvarez
  - Sputnik საქართველო, 1920, 08.03.2023
გამოწერა
თბილისი, 8 მარტი — Sputnik. აშშ-ის სახელმწიფო დეპარტამენტის ოფიციალური წარმომადგენელი ნედ პრაისი თანამდებობას ტოვებს, იუწყება The Hill.
გავრცელებული ინფორმაციით, პრაისი არ ტოვებს სახელმწიფო დეპარტამენტს — ის სახელმწიფო მდივან ენტონი ბლინკენის გუნდს შეუერთდება მარტის ბოლოს.
შემცვლელის დასახელებამდე მისი მოვალეობის შესრულება ნედ პრაისის ამჟამინდელ მოადგილეს ვედანტა პატელს დაეკისრება.

„ამერიკელებისა და მთელი მსოფლიოსთვის ნედ პრაისი ხშირად იყო აშშ-ის საგარეო პოლიტიკის სახე და ხმა. იგი მუშაობდა განსაკუთრებული პროფესიონალიზმითა და კეთილსინდისიერებით“, — ნათქვამია ენტონი ბლინკენის განცხადებაში.

ბლინკენმა მადლობა გადაუხადა პრაისს ყოველდღიური ბრიფინგების განახლებისა და ადმინისტრაციის პოლიტიკური პრიორიტეტების მკაფიო გაგებისთვის.
როგორც აღინიშნება, ნედ პრაისმა რეკორდი დაამყარა ბაიდენის ადმინისტრაციაში ფედერალური უწყების სპიკერის თანამდებობაზე ყოფნის ხანგრძლივობით.
ყველა ახალი ამბავი
0