კახეთში გატაცებული ცხვრების ამბავს კრიმინალური ავტორიტეტი არკვევდა

© photo: Sputnik / Evgenya Shabaevaცხვრის ფარა
ცხვრის ფარა - Sputnik საქართველო, 1920, 01.03.2023
გამოწერა
დანაშაულები 4-დან 11 წლამდე ვადით თავისუფლების აღკვეთას ითვალისწინებს.
თბილისი, 1 მარტი – Sputnik. სამართალდამცველებმა წინასწარი შეთანხმებით ჯგუფის მიერ ჩადენილი დიდი ოდენობით ძარცვის ბრალდებით კახეთში ხუთი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.
დაკავებულთა ასაკი 38-დან 51 წლამდე მერყეობს. მათგან ორს გამოძიება წინასწარი შეთანხმებით ჯგუფის მიერ ორი ან მეტი პირის მიმართ ჩადენილ თავისუფლების უკანონო აღკვეთასაც ედავება.
აღნიშნულ საქმეზე პოლიცია საგამოძიებო მოქმედებებს აგრძელებს კიდევ ორი პირის ადგილსამყოფლის დადგენისა და დაკავების მიზნით.
გამოძიებამ დაადგინა, რომ ბრალდებულებმა ერთ-ერთი ფერმიდან ძალადობის მუქარით მართლსაწინააღმდეგოდ გაიტაცეს 600 სული ცხვარი. დაზარალებული ფერმერის მხარემ კონფლიქტის გარკვევის და დავის მოგვარების მიზნით კრიმინალურ ავტორიტეტს მიმართა.
გავრცელებული ინფორმაციით, კრიმინალურმა ავტორიტეტმა უკანონოდ აღუკვეთა თავისუფლება მწყემსებს, რის შემდეგაც მართლსაწინააღმდეგოდ დაეუფლა ერთ-ერთი პირის კუთვნილ 1.068 ცხვარს.
პოლიციამ ნივთმტკიცებად ამოიღო „აკ-74“-ის სისტემის ავტომატი, მჭიდი და ვაზნები, აგრეთვე „ნაგანის“ სისტემის პისტოლეტი ვაზნებით.
გამოძიება სსკ-ის 178-ე, 236-ე და 143-ე მუხლებით მიმდინარეობს. დანაშაულები 4-დან 11 წლამდე ვადით თავისუფლების აღკვეთას ითვალისწინებს.
ყველა ახალი ამბავი
0