ქართველი ახალგაზრდა მოციგურავეები კანადაში მსოფლიო ჩემპიონატზე გამოვლენ

© photo: Sputnik / Asatur Yesayantsმოციგურავე ყინულზე
მოციგურავე ყინულზე - Sputnik საქართველო, 1920, 28.02.2023
გამოწერა
საქართველოდან პირველი ყინულის მოედანზე ინგა გურგენიძე გავა.
თბილისი, 28 თებერვალი — Sputnik. საქართველოს ნაკრები ფიგურულ სრიალში მსოფლიო ჩემპიონატზე იუნიორთა შორის, რომელიც კანადის ქალაქ კალგარიში 1-6 მარტს ჩატარდება, ოთხი მოციგურავით იქნება წარმოდგენილი.
კანადამ ფიგურულ სრიალში მსოფლიო ჩემპიონატს ახალგაზრდებს შორის ხუთჯერ უმასპინძლა.
ტურნირზე გაემგზავრებიან ინგა გურგენიძე (გოგონები), კონსტანტინე სუპატაშვილი (ჭაბუკები), გრეის ელიზაბეტ ვაინიკი და ეგორ ბარშაკი (სპორტული ცეკვები).
ვაინიკ-ბარშაკის წყვილისა და ინგა გურგენიძისთვის მსოფლიო ჩემპიონატზე გამოსვლა მათ კარიერაში პირველი იქნება.
ჩემპიონატზე ქართველი სპორტსმენი ინგა გურგენიძე 2 მარტს პირველი გამოვა.
ამას გარდა, საერთაშორისო კატეგორიის მსაჯები საქართველოდან სალომე ჩიგოგიძე და იულია ლევშუნოვა მსაჯთა ბრიგადაში ჭაბუკთა და სპორტული ცეკვების კატეგორიაში შევლენ.
ეწვიეთ „Sputnik საქართველოს“ Telegram-არხს
ყველა ახალი ამბავი
0