კრაზანის ზეთი: უამრავი სასარგებლო თვისება და შინ მომზადების წესი
16:13 27.02.2023 (განახლებულია: 10:49 17.08.2023)
გამოწერა
თბილისი, 27 თებერვალი — Sputnik. მცენარე კრაზანის („ზვერობოი“) ზეთი უამრავ სასარგებლო თვისებას შეიცავს ჯანმრთელობისთვის და ერთ-ერთი ყველაზე მეტად გაყიდვადი პროდუქტია, ვინაიდან ადამიანს იცავს არა მარტო დავადებებისგან, არამედ დაბერების პროცესსაც ანელებს, წერს გამოცემა Sabah სპეციალისტებზე დაყრდნობით.
ჰერბალისტების თქმით, კრაზანის ზეთის სასარგებლო თვისებები ასე გამოიყურება:
აღადგენს კანის უჯრედებს, ანუ ხელს უწყობს მათ რეგენერაციას;
ანელებს კანის დაბერებას, ანიჭებს მას სიგლუვესა და ელასტიკურობას;
ებრძვის ინფექციების გამომწვევ მიკროორგანიზმებს — ბაქტერიებს, ვირუსებს, სოკოს;
აჩქარებს კანის ინფექციების მკურნალობას;
აშუშებს ჰერპესის ვირუსით გამოწვეულ წყლულებს;
აქრობს ქუსლის სოკოს;
აქრობს მუწუკებისა და ფერიჭამიების ნაკვალევს;
არის გამოყელვის (კანის გამოწვა ნაკეცებში) შესანიშნავი პროფილაქტიკა;
აგვარებს ეგზემის პრობლემას;
არეგულირებს საჭმლის მომნელებელი სისტემის მუშაობას — აჩქარებს საჭმლის მონელებას;
ხელს უწყობს თირკმლების ჯანმრთელობას;
აღკვეთს თმების ცვენას და აძლიერებს მათ;
აქრობს ქერტლს, ნაქერცლსა და ეგზემას თავის კანზე.
კრაზანის ზეთის დამზადება
სპეციალისტების თქმით, კრაზანის ზეთის დამზადება სახლის პირობებშიც შეიძლება, თუ გარკვეულ წესებსა და პირობებს დაიცავთ.
ამისათვის:
კარგად გამოაშრეთ (ან უკვე გამხმარი შეიძინეთ აფთიაქში) კრაზანის ყვავილები მზეზე;
მოაშორეთ ღეროები და ყუნწები;
ჩაყარეთ ქილაში და დაასხით ზეითუნის ზეთი;
დააფარეთ ქილას მარლა და დატოვეთ ხუთი დღის განმავლობაში;
ამის შემდეგ მარლა მოაშორეთ და ქილას მჭიდროდ დაახურეთ სარქველი, დადგით ასე კიდევ 45 დღით.
სწორედ ეს დრო სჭირდება ყვავილის ექსტრაქტის წარმოქმნას, რასაც ქილის შიგთავსის გამუქებით მიხვდებით.
გაფრთხილება
ქრონიკული დაავადებების მქონე ადამიანებმა კრაზანის ზეთის გამოყენებამდე კონსულტაცია უნდა გაიარონ ექიმთან. საქმე ისაა, რომ ამ პროდუქტის გამოყენება არ არის რეკომენდებული მათთვის, ვინც ამა თუ იმ მიზეზით გარკვეულ მედიკამენტებს იღებს.
ამასთან, განსაკუთრებული სიფრთხილის გამოჩენა მართებთ მათ, ვინც კარაზანის ჩაის ან ნაყენის სმას გადაწყვეტს. არ დაგავიწყდეთ, რომ კარაზანაში შხამიანი ნივთიერებებიც შედის, რომელთა ჭარბმა რაოდენობამ შესაძლოა გამოიწვიოს ისეთი გართულებები, როგორებიცაა: არტერიული წნევის მატება, ტკივილი ღვიძლში, ჭინჭრის ციება, ცუდი გემო პირის ღრუში, კუჭის ტკივილი.
გარდა ამისა, კრაზანის ჩაისა თუ ნაყენის დიდი ხნის განმავლობაში სმა მამაკაცებში დროებით იმპოტენციას იწვევს. პრობლემა ნაყენის (ჩაის) მიღების შეწყვეტიდან რამდენიმე კვირაში აღდგება.
ამასთან უნდა გახსოვდეთ, რომ კრაზანის მიღების დროს ადამიანის კანი ულტრაიისფერი გამოსხივებისადმი მგრძნობიარე ხდება. ამიტომ მზეზე ყოფნას უნდა მოერიდოთ, რათა დერმატიტი და კანის დამწვრობა აირიდოთ თავიდან
