საქართველოს ფეხბურთის ფედერაციის ვიცე-პრეზიდენტების შემადგენლობა უცვლელი დარჩა

© photo: Sputnik / Alexander Imedashviliსაქართველოს ფეხბურთის ფედერაცია
საქართველოს ფეხბურთის ფედერაცია  - Sputnik საქართველო, 1920, 24.02.2023
გამოწერა
თბილისი, 24 თებერვალი — Sputnik. საქართველოს ფეხბურთის ფედერაციის ვიცე-პრეზიდენტების შემადგენლობა უცვლელი დარჩა – კახა ჭუმბურიძემ, ალექსანდრე იაშვილმა, აკაკი ალადაშვილმა და ნიკოლოზ ჯღარკავამ თანამდებობები შეინარჩუნეს, გადაწყვეტილება ხუთშაბათს FFG-ს აღმასკომის სხდომაზე მიიღეს.
2023 წლის 4 თებერვალს საქართველოს ფეხბურთის ფედერაციის მოქმედი პრეზიდენტი ლევან კობიაშვილი ფეხბურთის ფედერაციის ხელმძღვანელად მესამედ აირჩიეს. FGF-ს პრეზიდენტი აირჩევა ოთხი წლის ვადით. კობიაშვილი ამ პოსტზე ერთადერთი კანდიდატი იყო.
4 თებერვალს ფეხბურთის ფედერაციის ყრილობის შემდეგ აღმასკომის სხდომა პირველად გაიმართა. FFG-ს გენერალური მდივნის პოსტზე თანამდებობა დავით მუჯირმაც შეინარჩუნა.
საქართველოს ფეხბურთის ფედერაციისთვის მიმდინარე წლის მთავარ მოვლენებს შორის 21-წლამდელთა ევროპის ჩემპიონატია. საქართველო ტურნირს 21 ივნისიდან 8 ივლისის ჩათვლით უმასპინძლებს. საქართველოს მთავრობის მუნიციპალური განვითარების ფონდი სპეციალურად ჩემპიონატისთვის თბილისში, ქუთაისში, წყალტუბოში, ქობულეთსა და ბათუმში არაერთ ინფრასტრუქტურულ პროექტს ახორციელებს. მათ შორის არის მოქმედი სტადიონების შეკეთება.
ყველა ახალი ამბავი
0