სპალეტის „აინტრახტთან“ მატჩში „კვარას“ იმედი აქვს

© courtesy of SSC Napoliხვიჩა კვარაცხელია
ხვიჩა კვარაცხელია - Sputnik საქართველო, 1920, 21.02.2023
გამოწერა
კვარაცხელიას აქვს ნიჭი, წარმოსახვა და კლასი, აცხადებს მწვრთნელი.
თბილისი, 21 თებერვალი — Sputnik. „ნაპოლის“ მთავარ მწვრთნელს ლუჩანო სპალეტის ჩემპიონთა ლიგის 1/8 ფინალურ მატჩში „აინტრახტის“ წინააღმდეგ ხვიჩა კვარაცხელიასა და ვიქტორ ოსიმენის იმედი აქვს. ამის შესახებ მან მატჩისწინა პრესკონფერენციაზე განაცხადა.
„ნაპოლი“ „აინტრახტის“ წინააღმდეგ ფრანკფურტში 21 თებერვალს ითამაშებს. მატჩი თბილისის დროით 23:45 საათზე დაიწყება.

„ოსიმენმა და კვარაცხელიამ სერია А-ში და ამ სეზონის ყველა სხვა ტურნირში ერთად 31 გოლი გაიტანეს. ორივე მოთამაშეს აქვს ნიჭი, წარმოსახვა და კლასი, რათა მსოფლიო ფეხბურთს შეტყობინება გაუგზავნონ. გარდა ამისა, ისინი ჯერ კიდევ ახალგაზრდები არიან... დარწმუნებული ვარ, ორივე სწორ მიდგომას აჩვენებს“, – განაცხადა სპალეტიმ.

მისი თქმით, „აინტრახტს“ ევროტურნირებზე პლეი-ოფებში თამაშის მეტი გამოცდილება აქვს, ვიდრე „ნაპოლის“, თუმცა მას თავისი გუნდის შემტევი ფეხბურთის იმედი აქვს.
„აინტრახტის“ მწვრთნელმა ოლივერ გლასნერმა, თავის მხრივ, განაცხადა, რომ სპალეტის ფეხბურთელები, თავიანთი შემტევი თამაშის გამო, ერთგვარად „ანტიიტალიურად“ გამოიყურებიან.
ეწვიეთ „Sputnik საქართველოს“ Telegram-არხს
ყველა ახალი ამბავი
0