მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბაიდენის კიევში ვიზიტისას საზღვართან სამი ამერიკული თვითმფრინავი მორიგეობდა

  - Sputnik საქართველო, 1920, 20.02.2023
გამოწერა
თბილისი, 20 თებერვალი — Sputnik. სანამ აშშ-ის პრეზიდენტი ჯო ბაიდენი კიევში იმყოფებოდა, უკრაინის დასავლეთ საზღვართან აშშ-ის სამხედრო-საჰაერო ძალების სამი სადაზვერვო თვითმფრინავი მორიგეობდა, ირკვევა პორტალ Flightradar 24-ის მონაცემებიდან.
პორტალი Flightradar24 — შვედური ვებ-გვერდია, რომელიც საჰაერო ხომალდებზე რეალურ დროში დაკვირვების საშუალებას იძლევა. პორტალზე განთავსებული ინფორმაცია მოიცავს მონაცემებს რეისების ნომრების, გაფრენისა და დანიშნულების პუნქტების, თვითმფრინავის ტიპის, მისი ადგილმდებარეობისა და სიჩქარის თაობაზე.
როგორც Flightradar 24-ზეა აღნიშნული, კვირა საღამოდან პოლონეთი-უკრაინის საზღვარზე ორი ამერიკული მზვერავი-თვითმფრინავი მორიგეობდა. აქედან ერთი სტრატეგიული დანიშნულების Boeing RC-135 იყო, მეორე კი Boeing KC-135R Stratotanker.
20 თებერვლის დილის 11 საათისთვის, როდესაც აშშ-ის პრეზიდენტ უკვე კიევში იმყოფებოდა, მათ კიდევ ერთი, შორი რადიოლოკაციური აღმოჩენის თვითმფრინავი Boeing E-3 Sentry შეუერთდა.
ჯო ბაიდენის კიევიდან გამგზარების მომენტისთვის თვითმფრინავები კვლავ უკრაინა-პოლონეთის საზღვარზე მორიგეობდნენ.
ჯო ბაიდენი კიევს დღეს, დილის 8 საათზე ეწვია გამოუცხადებელი ვიზიტით. თუმცა მისი სტუმრობის შესახებ შუადღისთვის გახდა ცნობილი, როდესაც ინტერნეტით ბაიდენისა და ზელენსკის გმირთა მემორიალთან სტუმრობის ამსახველი ვიდეო გავრცელდა.
ამ დროისათვის ჯო ბაიდენი უკვე გაემგზავრა კიევიდან ვარშავაში.
ყველა ახალი ამბავი
0