WIZZ AIR ქუთაისის აეროპორტში მესამე ბაზირებულ ხომალდს დააბრუნებს

© provided by press office of Wizz Air Abu DhabiWizz Air-ის თვითმფრინავი
Wizz Air-ის თვითმფრინავი - Sputnik საქართველო, 1920, 17.02.2023
გამოწერა
ავიაკომპანია WizzAir 2023 წლის ივნისიდან რეგულარული ფრენების დაწყებას ევროპის კიდევ ხუთ ქალაქში გეგმავს.
თბილისი, 17 თებერვალი – Sputnik. უნგრულ დაბალბიუჯეტიან ავიაკომპანია WizzAir-თან თანამშრომლობა და ოპერირების ტექნიკური დეტალები გახდა ეკონომიკის მინისტრის მოადგილეს მარიამ ქვრივიშვილსა და კომპანიის მენეჯმენტს შორის გამართული შეხვედრის მთავარი თემა.
WIZZ AIR ქუთაისის საერთაშორისო აეროპორტში მესამე ბაზირებულ ხომალდს დააბრუნებს და რეგულარული რეისების შესრულებას დაიწყებს მადრიდის, ბრიუსელის, ფრანკფურტის, ჰამბურგისა და პოზნანის მიმართულებით. რეგულარული რეისები კვირაში ორ-ორჯერ შესრულდება.
ამჟამად ავიაკომპანიას უკვე ჰყავს ორი ბაზირებული ხომალდი ქუთაისის საერთაშორისო აეროპორტში, რომლებიც ფრენებს 22 მიმართულებით ახორციელებენ. შეხვედრაზე საუბარი წარიმართა ავიაკომპანიის მიერ ახალი ევროპული მიმართულებების დამატების შესაძლებლობებზე.
ავიაკომპანია Wizz Air ქართულ საავიაციო ბაზარზე 2012 წლიდან ოპერირებს. ის საქართველოში ერთ-ერთი წამყვანი ავიაკომპანია გახდა, რომელმაც 2,5 მლნ-ზე მეტი მგზავრის გადაყვანა უზრუნველყო.
Wizz Air ევროპაში მოგზაურობის მოყვარული მოსახლეობის ფავორიტ კომპანიებს შორისაა. კორონავირუსის პანდემიის გამო კომპანია იძულებული იყო შეემცირებინა თავისი ბაზები და შეეწყვიტა ფრენები. კომპანიამ ავიამიმოსვლა 2021 წლის 1 თებერვლიდან განაახლა, ზაფხულიდან კი რეგულარული ფრენების აღდგენა დაიწყო.
ამ დროისათვის ეს ავიაკომპანია პირველია საქართველოში გადაყვანილი მგზავრების რაოდენობით. 2022 წელს WizzAir-მა 630 ათასი მგზავრი გადაიყვანა.
ეწვიეთ „Sputnik საქართველოს“ Telegram-არხს
ყველა ახალი ამბავი
0