ჯო ბაიდენმა საქართველოში აშშ-ის ახალი ელჩის კანდიდატურა დაასახელა

© photo: Sputnik / Stringer / აშშ-ის და საქართველოს დროშები
აშშ-ის და საქართველოს დროშები - Sputnik საქართველო, 1920, 14.02.2023
გამოწერა
НовостиTelegram
რობინ დანიგანი საქართველოში ამერიკის ელჩის თანამდებობაზე კელი დეგნანს ჩაანაცვლებს.
თბილისი, 14 თებერვალი — Sputnik. აშშ-ის პრეზიდენტმა ჯო ბაიდენმა საქართველოში საგანგებო და სრულუფლებიანი ელჩის თანამდებობაზე რობინ დანიგანი წარადგინა, ნათქვამია თეთრი სახლის ვებ-გვერდზე გავრცელებულ განცხადებაში.
კარიერული დიპლომატი რობინ დანიგანი ამჟამად ცენტრალური და აღმოსავლეთი ევროპის საკითხებში სახელმწიფო მდივნის თანაშემწის მოადგილის თანამდებობას იკავებს. მანამდე ის ავსტრიაში აშშ-ის დიპლომატიური მისიის ხელმძღვანელის მოადგილე იყო.
დანიგანი ასევე მუშაობდა სახელმწიფო მდივნის თანაშემწის მოადგილედ სახელმწიფო დეპარტამენტის ენერგეტიკული რესურსების ბიუროში.
იგი სხვადასხვა დროს მუშაობდა ავსტრიის, ვიეტნამის, ჩილეს, თურქეთის, კუბისა და ელ სალვადორის საელჩოებში.
რობინ დანიგანი საქართველოში ამერიკის ელჩის თანამდებობაზე კელი დეგნანს ჩაანაცვლებს, რომელიც ამერიკის დიპლომატიურ მისიას 2020 წლიდან უდგას სათავეში.
ყველა ახალი ამბავი
0